Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Силаһлы Гүввәләри пајтахт Дәмәшгә јахын Мәлиһә мәнтәгәсиндә бир нечә түнел кәшф едиб. Мәлумата ҝөрә, јараглы тәкфирчиләр гејд олунан түнелләрдән террор әмәлијјатларында истифадә едирмиш.
Сурија рәсми телевизијасынын мәлуматына ҝөрә, вәһһабиләр һәмчинин Сурија Милли Ордусу илә ҝедән дөјүшләрдә аманда галмаг үчүн Мәлиһа мәнтәгәсиндә бир нечә сәнҝәр дә газыблармыш.
Сурија Милли Ордусунун хүсуси мүхбири түнелләр барәдә вердији ачыгламада билдириб: “Гејд олунан түнелләр Силаһлы Гүввәләримиз тәрәфиндән јараглыларын тәгиби заманы ашкарланыб.”
Сурија Милли Ордусундакы мәнбәләрдән биринин вердији мәлуматда исә билдирилир: “Сурија Милли Ордусу илә үзбәүз дөјүшмәкдән еһтијат едән азғын јараглы үнсүрләр, террор актларыны һәјата кечиртмәк мәгсәди илә јералты түнелләр газмаға мәшғулдурлар. Лакин гејд етмәлијик ки, Орду Бөлмәләри террорчулары јерин алтында да тәгиб етмәјә давам едир вә кәшф етдији бүтүн түнелләри јараглыларын башы үзәриндә дағыдараг онлара ағыр иткиләр вермәјә мәҹбур едир.”
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
