Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ вә Гәрб истәкләринә наил олду. Уакрниjада силаһлы чеврилиш едән Авропа Бирлиjи вә империалист АБШ-ын jанлыш сиjасәтләри нәтиҹәсиндә рәсми Киjев дөвләти парчаланды. Крым өз сечимин етди. Белә ки, Русиjа президенти Владимир Путин 18 март, 2014 тарихдә Москвада Крым рәсмиләри илә мүвафиг мүгавилә имзалаjыб.
Мүгавиләjә әсасән Крым Мухтар Республикасы вә Севастопол шәһәринин Русиjа Федерасиjасына бирләшир. Крым Мухтар Республикасы вә Севастопол шәһәринин Русиjа Федерасиjасына бирләшмәсини нәзәрдә тутан һәмин мүгавиләнин шәртләрини тәгдим едирик:
- Крымда дөвләт дили рус, Украjна вә крымтатар дилләри олур.
- Крымын вә Севастополун гурудакы һүдудлары дөвләт сәрһәди саjылыр, Гара дәниз вә Азов дәнизләриндәки сәрһәдләр исә Русиjанын имзаладығы беjнәлхалг мүгавиләләр, беjнәлхалг һүгуг нормалары әсасында мүәjjәнләшир.
- Крымда вә Севастополда jашаjан Украjна вәтәндашлары вә даими jашаjыб вәтәндашлығы олмаjан шәхсләр Русиjа вәтәндашы һесаб олунур. Бир аj әрзиндә индики вәтәндашлығыны сахламаг вә вәтәндашлығы олмаjан шәхс статусунда галмаг истәjи илә мүраҹиәт едәнләр истиснадыр.
- 2015-ҹи ил jанварын 1-нә кими кечид дөврү мүәjjән олунур вә бу мүддәтдә jени субjектләрин Русиjа Федерасиjасына интеграсиjасы мәсәләләри һәлл олунур.
- Крымда вә Севастополда һәрби хидмәтә чағырылмыш вәтәндашлар бу әразиләрдә 2016-ҹы илин сонуна кими хидмәт едир.
- Крымда вә Севастополда дөвләт органларына сечкиләр 2015-ҹи илин сентjабр аjынын икинҹи базар ҝүнү кечирилир. Һәмин вахта гәдәр дөвләт һакимиjjәти органларынын сәлаһиjjәтини Крым парламенти, Назирләр Совети вә Севастопол Шәһәр Шурасы jеринә jетирир.
- Крым вә Севастопол әразисиндә Русиjа ганунлары вә диҝәр норматив-һүгуги актлар гүввәдәдир. Крым Мухтар Республикасынын вә Севастополун норматив-һүгуги актлары кечид дөврү әрзиндә гүввәjә маликдир. Русиjа Федерасиjасынын Конститусиjасына зидд норматив-һүгуги актлар тәтбиг олунмур.
P.S: Геjд едәк ки, Крымда март аjынын 16-да кечирилән референдум нәтиҹәсиндә әһалинин 96,77 фаизи Русиjанын тәркибинә дахил олмаға сәс вериб.
Диггәт: Хәбәрдән истифадә етдикдә мәнбәjә истинад лазымдыр
