Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Суриjада актив фәалиjjәт ҝөстәрән әл-Аләм ТВ каналынын мүхбири, гондарма “Азад Суриjа Ордусу” (АСО) адлы террорчу грулашманын jүксәк рүтбәли забитинин гондарма “Ираг вә Шам Ислам Дөвләти” (ИШИД) адлы азғын тәкфирчи үнсүрләри тәрәфиндән өлдүрүлдүjү хәбәрини вериб.
Мәлумата ҝөрә, гондарма “АСО” адлы террорчу тәшкилатына гошулан Суриjа Милли Ордусунун фәрари забити Әһмәд Мәшәл 4 ҝүн өнҹә Идлиб шәһәринин Бәсгәла мәнтәгәсиндә гондарма “ИШИД” адлы jараглылар тәрәфиндән өлдүрүлүб.
Јараглы груплашмалара аид сосиал шәбәкәләрин вердиjи мәлуматда исә билдирилир: “Ҝүллә jарасы илә өлдүрүлмүш Асо-нун забити Әһмәд Мәшәлин ҹәсәди Идлиб шәһәринин әл-Мәгале мәнтәгәсиндә тапылыб.”
САНА хәбәр аҝентлиjинин һәрби ресурслара истинадла вердиjи мәлуматына ҝөрә, Суриjа Милли Ордусунун Јәбруд шәһәриндә ирәлиjишләри давам едир. Риф әjаләтинин Јәбруд шәһәринин ҹәнуб шәргиндәки jүксәликләр вә саир мәнтәгәләр артыг Дөвләт Гввәләринин нәзарәти алтына кечиб.
Суриjа Милли Ордусу Јәбрудун шимал шәргиндә апардығы әмәлиjjатларда террорчуларын ҝизли гәрәрҝаһларыны дағыдыб. Әмәлиjjат заманы бир чох террорчу өлдүрүлмүш вә бир гисми дә мүхтәлиф дәрәҹәли бәдән хәсарәтләри алараг jараландыглары билдирилир.
Суриjа Милли Ордусунун Һәләб шәһәринин мүхтәлиф бөлҝәләриндә дә Тәмизләнмә Әмәлиjjатларынын апарылдығы геjд едилиб. Әмәлиjjатлар заманы бөр чох террорчунун өлү дүшмүш вә диҝәрләринин исә jараландығы мәлуматы верилиб.
Суриjа Ордусунун һабелә Һәләб раjонунун Һилjан, Әндан, Һиррә, Ҹубеjлә, Тәлләтул Музафә, Рәсмул Әбуд, Ҹәдидә, Әрбид, Мәнсурә, Куфр Һәмрә, Дәрфәтул Сәфрә, Әзан, Әбтин вә Кувеjрәс мәнтәгәләриндә jерләшән jараглыларын ҝизли гәрәҝаһларына гаршы да һүҹума кечдиjи деjилир.
САНА хәбәр аҝентлиjинин мәлуматына ҝөрә, Һомс раjонунда исә 86 jараглы силаһларыны jерә гоjараг Суриjа Милли Ордусуна тәслим олуб.
Диггәт: Хәбәрдән истифадә етдикдә мәнбәjә истинад лазымдыр
