Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Аjәтуллаһ әл-узма Сафи Ҝүлпаjигани Мәшһәддә кечирилән “Сынмыш инҹи” әзадарлыг мәрасиминә jазы үнванлаjыб һәмин jазынын мәтнини нәзәринизә чатдырыр:
Бу әзәмәтли мәҹлисдә иштирак едән вә Фатимәнин (ә) нурани гапысына хидмәт етмәк шәрәфинә наил олмуш әзизләрә һөрмәтлә
Һәзрәт Сиддигеjи Таһирә Фатимеjи Зәһра (с) һәгигәтдә өз бабасы Һәзрәт Пеjғәмбәр (с) кимидир вә Әһли-беjтин (ә) jанында хүсуси мәгамы вар. Белә ки, бүтүн Имамлар (ә) онун варлығы илә фәхр едирләр. О мүгәддәс варлыг бүтүн Әһли-беjт (ә) үчүн һүҹҹәтдир. Јәни өзләринин һаглы олмасы, гәсбкарларын вә залымларын гүввәдән дүшмәси үчүн о ханымын вүҹуду ирәли сүрүлүр. Бүтүн Әһли-беjт (ә) һүҹҹәтдир, лакин Һәзрәт Зәһранын (с) бу ҹәһәтләрдән һүҹҹәт олмасы һәр кәсдән чохдур.
О, иффәф, исмәт вә кәрамәтдә Исламын илк гадыныдыр вә онун варлығы бир үлҝүдүр. Өнәмли мәсәләләрдән бири Фатимиjjә ҝүнләринин һөрмәтини сахламагдыр. Фатимәнин (ә) вәзифәләри, тәгвасы, ибадәти, елми вә һикмәти ҝәрәк һәмишә белә програмларын ичиндә олсун. Бу вәзифәләр чыхышларда, jазыларда вә мүнасиб олан һәр фүрсәтдә ачыгланмалыдыр.
Фатимиjjә ҝүнләриндә о Һәзрәтин (ә) илаһи шәхсиjjәтинә еһтирам гоjумаг ваҹибдир. О Һәзрәтин (ә) сөзләри бүтүн гадынларын вә һәтта кишиләрин дә һәjат нүмунәси олмалыдыр. Фатимиjjә ҝүнләри бир тарихдир. Фатимиjjә ҝүнләрини геjд етмәк залымлара гаршы фәрjаддыр. Фатимиjjә ҝүнләри - jәни ҹиһад. Фатимиjjә ҝүнләри - jәни Һәзрәт Меһдинин (ә) илаһи һөкүмәти ҝүнү. Һәмчинин Фатимиjjә ҝүнләри ашурадыр, гәдр ҝеҹәсидир. Гәдр ҝеҹәси вә Фатимиjjә ҝүнләри - jәни һаггын батилә галиб ҝәлдиjи ҝүн.
Фатимәнин (ә) әзадар һеjәтинә салам вә Аллаһын рәһмәти олсун!
Диггәт: Хәбәрдән истифадә етдикдә мәнбәjә истинад лазымдыр
