Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, АБШ һөкумәти артыг jедди илдир ки, Иран Ислам Республикасында иткин дүшмүш ФТБ аҝентинин тапылмасы үчүн Иран Ислам Республикасынын көмәjинә еһтиjаҹы олдуғуну билдириб.
АБШ Дөвләт катиби Ҹон Керри базар ҝүнү вердиjи бәjанатда бу һагда сөjләjиб: “7 ил әввәл Роберт Левинсон Иран Ислам Республикасына сәфәри заманы иткин дүшүб”.
CНН хәбәр аҝентлиjинин мәлуматына әсасән 65 jашлы бу АБШ вәтәндашынын аиләси сон заманлар онун МКИ үчүн ишләдиjини ачыглаjыб. Левинсонун аиләси АБШ һөкумәтинин тәзjиги илә узун илләр бу мәлуматы ҝизли сахлаjыб. Онун оғлу Ден Левисон Әбу- Дабидә CНН-ә вердиjи мүсаһибәсиндә атасынын тапылмасы үчүн әлиндән ҝәләни едәҹәjини билдириб. Иран Ислам Республикасынын хариҹи ишләр назири Ҹавад Зәриф jанварда CНН-ә вердиjи мүсаһибәсиндә деjиб ки, мән Левисонун һачанса Иранда олмасы һагда һеч бир сөз деjә билмәрәм. Бу һагда мәлуматым jохдур. Әслиндә биз онун Иран Ислам Республикасынын хариҹиндә сағ олдуғуну билдирән сүбутлары ҝөрмүшүк. Һазырда һарада олмасыны да деjә билмәрик. Лакин АБШ бизә изаһ етмәлидир ки, МКИ-нин ҹасусу Иран Ислам Республикасынын әразисиндә нә едирди?
Геjд едәк ки, Керри һадисә илә әлагәли һәр һансы мәлумат үчүн 1млн. доллар мүкафат тәjин едилдиjини билдириб.
Диггәт: Хәбәрдән истифадә етдикдә мәнбәjә истинад лазымдыр
