Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасында Авропа Иттифагынын Хариҹи Сиjасәт үзрә мәсулу Катрин Ештон бу ҝүнортадан сонра Имам Хаменеинин Али Тәһлүкәсизлик Шурасынын нүмаjәндәси Сәид Ҹәлили илә ҝөрүш кечириб.
Ҹәнаб Ҹәлили ҝөрүшдә вурғулаjыб: “Иран Ислам Республикасындакы Демократиjа доғру вә һәгиги демократиjадыр. Халг һакимиjjәти бөjүк игтидарла өз дәjәрләриндән, халгын һүгуг вә мәнафеләриндән мүдафиә едир.”
Ҹәлили ҹәнаблары даһа сонра билдириб: “Сизин, Иран Ислам Республикасынын бөjүк ембарголарла үзләшдиjинә бахмаjараг әлдә етдиjи jени налиjjәтләр вә инкишафлары имкан тапыб ҝөрмәjинизә хошбәхтәм. Бу инкишафлар бизим Дини, Јерли вә Мәдәниjjәт зәминәләри үзәриндә гурулуб. Сиз бу нөв инкишафларын тарихи әсәрләрининин бир гисмини Исфәһан шәһәриндә дә ҝөрәҹәксиниз.”
Үмүмдүнjа Мүсәлманларынын Али Лидери Аjәтуллаһ Хаменеи ҹәнабларынын Тәһлүкәсизлик үзрә Али Шурасынын нүмаjәндәси даһа сонра билдириб: “Демократиjаны иддиа едән гүдрәтләрин Украниjа, Мисир вә Бәһреjнлә бағлы икили рәфтарлары нараһат едиҹидир. Тәсүфләндириҹи һалдыр ки, Фәләстиндә, Әфганыстанда вә Ирагда апарылан инсан һаггларынын икили стандарт рәфтарларынын давамында бу ҝүн бәзи гүдрәт саһибләри демократик сазишләр әвәзинә күчә вә хиjабан дөjүшләри факторундан истифадә едирләр.”
Диггәт: Хәбәрдән истифадә етдикдә мәнбәjә истинад лазымдыр
