Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Милли Мәҹлисиндә 20-jә jахын милләт вәкилинин Түркиjәдә олан нурчулар ҹәрәjаны илә әлагәдар олмасы илә бағлы иддиалара парламентин витсе-спикери Баһар Мурадова да рәj билдириб.
О, ачыгламасында билдириб ки, нурчу депутатларла бағлы фикирләрин парламент трибунасына гәдәр ҝәлиб чыхмасына тәәссүф едир.
“Мәтбуатда сәсләнән әксини тапан бу вә jа диҝәр информасиjаларын һамысы илә бағлы шәрһ вермәjин лазым олдуғуну дүшүнмүрәм. Чүнки бу мәсәләләрә, белә мәлуматлара шәрһ вермәк үчүн кифаjәт гәдәр информасиjалы олмалысан. Ән азы бунун һарадан гаjнагландығыны, һансы һәдәфә jөнәлдиjини вә ишин нә jердә олдуғуну билмәлисән. Чох тәәссүф ки, бу мәсәлә илә әлагәдар конкрет билҝиләрә малик деjиләм. Еjни заманда бу фикирләрин парламентин трибунасына гәдәр ҝәлиб чыхмасына да тәәссүф едирәм. Чүнки мәтбуатда сәсләнән фикирләрә аидиjjаты шәхсләр елә мәтбуатда ҹаваб вермәлидирләр вә аjдынлыг ҝәтирмәлидирләр”.
Геjд едәк ки, парламентин февралын 25-дә кечирилән иҹласында милләт вәкили Заһид Оруҹ сон вахтлар 20-jә гәдәр азәрбаjҹанлы депутатын “Фәтуллаһ Ҝүлән ҹамааты”нын үзвү олмасы, онлара һәр аj вәсаит өдәнилмәси илә бағлы jаjылан хәбәрләрә мүнасибәт билдирмиш вә буну Азәрбаjҹан депутатларына гаршы тәхрибат адландырмышды.
Азәрбаjҹанда чох ҹидди шәкилдә мөвгеләрини мөһкәмләндирдиjи иддиа олунан нурчуларын сиjаси даирәләрдә һимаjәдарларынын олдуғу вә “Ҝүлән ҹамааты” тәрәфиндән һәмин депутатлара аjлыг мааш кәсилдиjи дә иддиалар сырасындадыр. Бунун мүгабилиндә һәмин милләт вәкилләри ҝуjа, нурчуларын Азәрбаjҹанда марагларыны тәмин етмәкдәдирләр. Һәмчинин 40-а jахын дөвләт мәмурунун да нурчуларла мүхтәлиф формада әлагәдә олдуғу деjилир.
Диггәт: Хәбәрдән истифадә етдикдә мәнбәjә истинад лазымдыр
