Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Дүнән Азәрбаjҹан Ислам Партиjасынын функсионерләри- Елчин Манафов, Ингилаб Әһәдли вә Акиф Һеjдәрли сиjаси партиjанын сәдри Мөвсүм Сәмәдовла Әдлиjjә Назирлиjи Пенитенсиар Хидмәтин Мүалиҹә Мүәссисәсиндә ҝөрүшүбләр. Гурумун сиjаси мәсәләләр үзрә сәдр мүавини А.Һеjдәрлинин вердиjи мәлумата ҝөрә, ики саатлыг ҝөрүш мүддәтиндә өлкәдә иҹтимаи-сиjаси просесләр әтрафында исламчыларын лидери илә фикир мүбадиләси апарылыб, АИП-ин сон дөврдәки фәалиjjәти барәдә М.Сәмәдова мәлуматлар верилиб.
“Һаҹы Мөвсүм Сәмәдов ҹәбһә бөлҝәсиндә атәшкәсин мүтәмади шәкилдә позулмасы вә ордумузун иткиләр вермәси мәлуматыны чох бөjүк нараһатлыгла гаршылады вә билдирди ки, даһа ағрылы итки торпагларын дүшмән тапдағы алтында галмасыдыр. Бу исә үмумиликдә Азәрбаjҹан халгынын милли- мәнәви мүһитинә, гәһрәманлыгларла зәнҝин тарихинә ләкә ҝәтирир. Халгымызын бирлиjи олмадан нә өлкә дахилиндәки, нә дә хариҹи дүшмәнләримизлә лаjигли мүбаризә апармаг олар. М. Сәмәдов сон дөврдә садә инсанлар арасында интиһар һалларынын артмасына да мүнасибәт билдирди. Геjд етди ки, бу, мәмур өзбашыналығынын, инсанларын чарәсиз вәзиjjәтә үмидсизлик ҝирдабына салынмасынын, халгын мәруз гоjулдуғу мәнәви ашынма вә мәнәвиjjат бөһраны тәзаһүрүнүн нәтиҹәсидир”.
Акиф Һеjдәрли даһа сонра геjд едиб ки, һазырда һаҹы Мөвсүмүн сәһһәтиндәки проблемләр арадан галдырылыр, мүалиҹә мүәссисәсиндә бөjрәк вә организминдәки үмуми зәифликлә бағлы мүаjинәләрдән кечирилир.
АИП-ин сиjаси мәсәләләр үзрә сәдр мүавини ону да вурғулаjыб ки, Мөвсүм Сәмәдовун әһвал-руһиjjәсиндә һеч бир дәjишикылик jохдур, о, әввәлкитәк принсипиал мөвгеjи, һагг вә әдаләтин галиб ҝәләҹәjи инамы илә jашаjыр, бүтүн баш верәнләри Аллаһын һикмәти вә тәгдираты һесаб едир, Она иман ҝәтирир, Онун мәрһәмәтинә сығыныр.
“Аллаһ онун вә һагсыз иттиһам олунан диҝәр мәһбусларын гапысыны ачсын”
Диггәт: Хәбәрдән истифадә етдикдә мәнбәjә истинад лазымдыр
