Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг Мүдафиә Назирлиjи бәjанат jаjымлаjараг, Фәллуҹә шәһәриндә 72 саат әрзиндә һеч бир һәрби әмәлjjатларын кечирилмәjәҹәjини елан едиб.
Бәjанатда билдирилиб: “22 Феврал, саат 15:00-дан 24 Феврал, саат 15:00-а кими Фәллуҹә шәһәриндә бүтүн һәрби әмәлиjjатлар тәхирә салыныр. Бу аддым сүлһсевәр таjфа вә гәбилә башчылар, дини алимләр вә нуфузлу шәхсиjjәтләрин истәjи илә һәjата кечирилиб.”
Ираг Мүдафиә Назирлиjи, вәтәндашларын өз евләринә гаjытмаглары мәгсәди илә, Фәллуҹә шәһәр сакинләри вә гәбилә башчыларындан jараглы груплашмалара гаршы сәрт олмагларыны вә террорчуларын тәҹрид едилмәсиндә фәаллашмаларыны тәләб едиб.
Бәjанатда һәмчинин “тәкфирчи” үнсүрләрә хәбәрдарлыг олунараг, атәшбәс мүддәтиндә Ираг Силаһлы Гүввәләринә вә Дөвләт Әмлакларына гаршы һәр һансы террор әмәлиjjатларын кечирилмәмәси тәләб едилиб.
Мәлумата ҝөрә, Ираг Баш Назири Нури Малики ҹәнаблары, гондарма “Ираг вә Шам Ислам Дөвләти” адлы азғын “тәкфирчи” jараглы гүввәләринә гаршы Фәллуҹә шәһәриндә кечириләҹәк ҝенишмигjаслы һәрби әмәлиjjатлардан өнҹә, террорчулара баш верәҹәк гырғынлара сон гоjмаг мәгсәдилә 3 ҝүн әрзиндә мөһләт вериб.
Диггәт: Хәбәрдән истифадә етдикдә мәнбәjә истинад лазымдыр
