Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Февралын 17-дә Астарада тәһгир олундугларына ҝөрә аксиjа кечирән Әрчиван гәсәбә сакинләриндән тутуланлар вар.
Онлардан бири Азәрбаjҹан Ислам Партиjасынын Астара раjон үзрә шөбә сәдри Мәшһәди Фамил Шүкүровдур. Әслиндә Исламчылар баш верән һадисәләрдә иштирак етмәмишләр садәҹә һәмишә олдуғу кими бу дәфә дә jерли сакинләр мәсәләjә аjдынлыг ҝәтирмәк мәгсәди илә Ислам Партиjасынын Астара раjон үзрә шөбә сәдри Мәшһәди Фамил Шүкүрову Полис Шөбәсинә данышыглара ҝөндәрибләр. Астара Полис Шөбәси исә, Фамил Шүкүрову әсассыз олараг һәбс едәрәк евинә бурахмаjаыблар. Онунла бәрабәр адыны дәгигләшдирә билмәдиjимиз бир нечә нәфәр дә сахланылыб.
Әрчиван гәсәбә сакинләри исә онлары тәһгир едән шәхси ҹәзаландырылмасы тәләби илә нөвбәти митингә ҹәһд етсәләр дә, лакин кәндә хүсуси тәjинатлылар вә гара маскалылар ҹәлб олунуб. Гәсәбә әһлинин дә нүмаjиши баш тутмаjыб.
Һазырда раjонда нисби сакитликдир. Астаранын иҹра башчысы Гәзәнфәр Ағаjев исә ҝәрҝинлиjи сәнҝитмәк үчүн вәтәндашларла ҝөрүш кечириб. Ҝөрүшдә аксиjа ҝүнү әрчиванлыларын ишләдиjи базарын jанмасы да мүзакирә олунуб...
Геjд едәк ки, Астара раjонундакы сон һадисәнин сәбәби кими “Однокласник” сосиал шәбәкәсиндә ады ачыгланмаjан раjонун Пенсәр кәнд сакинләриндән бири башгасынын адындан истифадә едәрәк Астара раjонунун Әрчиван кәнд сакинләринә гаршы нәлаjиг күчә сөjүшләри сөjүб.Сөjүшләрә гәзәбләнән Әрчиван кәнд сакинләри бу үздән дөвләт рәсмиләриндән сөjүш сөjәнин ким олдуғуну вә бу шәхси тапыб тәһвил вермәсини тәләб едибләр. Лакин раjон полиси һәмән шәхсин кимлиjини ҝизләдәрәк ону кәнд сакинләринә тәһвил вермәкдән боjун гачырыб. Бундан да гәзәбләнән кәнд ҹамааты әввәлҹә Әләт-Астара маҝистрал jолуну бағлаjыблар. Даһа сонра исә Астара раjон мәркәзи базарыны jандырдыглары ҝөстәрилир.
Амма һәгигәтдә Астара раjонунда баш верән һадисәнин о бири үзү нәдир? Даһа доғрусу десәк баш верән һадисәләр тәсадүфдүрмү? Бир аз ҝери, тарихә гаjытдыгда вә баш вермиш һадисәләри jан ба jана гоjдугда һәр шеj ҝүн кими аjдын олур.
Белә ки, 2012 –дә Астара раjонуна jени иҹра башчысы тәjин олунмуш Гәзәнәфәр Ағаjев Масаллыда һәjата кечирмәк истәдиjи ишләрин аналогуну бурада да реаллашдырмаг истәjиб. 2012/05/03 тарихдә Астара базарына баш чәкән jени иҹра башчысы ораны сөкдүрәҹәjини деjиб. Лакин Иҹра башчысы Гәзәнфәр Ағаjевин jерли базары әлә кечирмәк истәjи сәрт мүгавимәтлә үзләшиб
Базарда алвер едән jерли гадынларла сөһбәт әснасында Гәзәнфәр Ағаjев jени базарда онлара jер вериләҹәjини десә дә, бир гәдәр ағыз сүрүндүрүб. Даһа сонра исә саjмазjана һәрәкәт едәрәк, бүтүн һалларда базарын сөкүләҹәjини билдириб. Бундан бәрк гәзәбләнән алверчи гадынлар онун үзәринә һүҹум чәкибләр. Нәтиҹәдә, иҹра башчысы көтәкләниб. Һадисә jериндән мүавинләри васитәси илә бир тәһәр узаглашан Ағаjев орадан да бирбаша Бакыjа ҝәлиб.
Амма буна бахмаjараг базары мәнимсәмәк ниjjәтиндән ваз кечмәjән Гәзәнфәр Ағаjев 2012. 12. 21 тарихдә олаjын үзәриндән бир хеjли кечдикдән сонра аранын сакитләшдиjини зәнн едәрәк jенидән фәаллашмаға башлаjыб.
Иҹра башчысы Астарадакы базары сөкдүдәрәк, онун jериндә jенисин инша етмәк вә һәмин дүканлары да иҹарәjә верәҹәjини сөjләjиб. Лакин базарда узун илләрдир тиҹарәтлә мәшғул оланлар бунунла разылашмаjыблар. Елә бу сәбәбдән дә, онлар иҹра башчысына нөвбәти дәфә хәбәрдарлыг едибләр ки, бошуна әзиjjәт чәкмәсин.
Кичик саһибкарлар билдирибләр ки, онлар һәләлик ҝөзләмә мөвгеjиндәдирләр. Амма һәр һансы бир һәрәкәтлилик оларса, сәрт аддымлар атаҹагларыны билдирибләр.
Хатырладаг ки, Гәзәнфәр Ағаjев Масаллынын иҹра башчысы олан заман раjонун мәркәзиндәки базары әлә кечирәрәк, ону jерли иш адамларына сатмышды. Лакин бу олаjлар фонунда Масаллыда ҹамаат она елә дә ҝүҹлү мүгавимәт ҝөстәрмәмишдиләр. Ҝөрүнүр, аналожи аддымы Астарада да һәjата кечирмәк истәjир. Амма геjд олунан раjон диҝәрләриндән чох фәргләнир. Хүсусән дә сәрһәдjаны олмасы вәзиjjәтин кифаjәт гәдәр ҹидди ола биләҹәjинә дәлаләт едир.
Бәзи аналтикләрин дедикләринә ҝөрә, Астара халгына бата билмәjән иҹра башчысы jени иjрәнҹ үслуба әл атыб. Јәни халгы үз-үзә гоjмаг. Бу сәбәбдән дә, сосиал шәбәкәдә баш верән һадисәләр вә онун ардыjҹа Әрчиван сакинләринин тез бир заманда һәдәгәдән чыхмалары, баш вермиш һадисәjә һеч адиjjаты олмаjан, мәһз иҹра башчысы Гәзәнфәр Ағаjевин мәнимсәмәк истәдиjи базарын jанараг күл олмасы вә jанғынын сәбәбкары кими мәһз Әрчиванлыларын туш ҝәлмәси чох бөjүк шүбһә доғуран мәсәләдир. Аталар демишкән “Хорузун Гуjруғу Ҝөрсәнди”.
Диггәт: Хәбәрдән истифадә етдикдә мәнбәjә истинад лазымдыр
