Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Украjнада мүхалифәт силаһлы чеврилишә ҹәһд едир. Јерли информасиjа васитәләринин вердиjи мәлумата ҝөрә, Украjнанын Хмелнитск шәһәриндә мүхалифәт тәрәфдарлары троллеjбусу әлә кечирәрәк онун көмәjи илә Украjна Тәһлүкәсизлик Хидмәтинин jерли шөбәсинин бинасына һүҹум едәрәк, дарвазаларыны сындырыблар. Гаршыдурмалар нәтиҹәсиндә бир гадын гәтлә jетирилиб, 3 нәфәри исә jараланыб.
Һәмчинин мәлум олуб ки, Черновитсы вилаjәтиндә етиразчылар губернатору истефаjа мәҹбур едибләр.
Волын вилаjәтинин губернатору Александр Бошкаленко да етиразчыларын тәзjиги илә үзләшиб. Белә ки, етиразчылар истефа вермәкдән имтина едән губернатору jерә jыхараг дөjүбләр. Даһа сонра гудузлашмыш етиразчылар ону гандалларла сәһнәjә бағлаjыблар. Етиразчылар билдирибләр ки, истефа әризәсини jаздыгдан сонра А.Бочкаленко сәрбәст бурахылаҹаг.
Геjд едәк ки, рәсми мәлуматлара әсасән бу ҝүнә кими Украjна гаршыдурмалрында 10 нәфәри Милис- полис әмәкдашы олмагла 30-а jахын инсан һәлак олуб. Мүхалифәтчиләр мүхтлиф нөв соjуг вә одлу силаһларла силаһланыблар.
Диггәт: Хәбәрдән истифадә етдикдә мәнбәjә истинад лазымдыр
