Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Тәләбә Гәбулу үзрә Дөвләт Комиссиjасынын (ТГДК) сәдри Мәлеjкә Аббасзадә сабиг сәһиjjә назири Әли Инсановун мәһкәмә просесиндә онун үнванына сәсләндирдиjи иттиһамлара вә мәһкәмәдә диндирилмәсинин ваҹиблиjи барәдә сөjләдиjи фикирләрә мүнасибәт билдириб.
ТГДК сәдри журналистләрә ачыгламасында деjиб ки, бунунла әлагәдар һеч бир ачыглама вермәjәҹәк: “Чүнки бунунла мәһкәмә, истинтаг мәшғул олур. Бу мәсәлә илә әлагәдар ТГДК-jа нә сорғулар дахил олубса, һамысыны рәсми шәкилдә ҹавабландырмышыг. Мәнә елә ҝәлир ки, бу, һүгуг-мүһафизә органларынын ишидир. Онлар бүтүн мәсәләләрә аjдынлыг ҝәтирмәjә гадирдирләр”.
Геjд едәк ки, сабиг сәһиjjә назири Әли Инсанов мәһкәмәсиндә билдириб ки, Мәлеjкә Аббасзадә онун барәсиндә МТН-ә һәгигәтә уjғун олмаjан мәлуматларла мәктуб ҝөндәриб. Она ҝөрә дә Аббасзадә вә һәмин саһәjә нәзарәт едән Фатма Абдуллазадә мәһкәмәдә диндирилмәлидир. Ә. Инсанов ону да әлавә едиб ки, ҹәми 12 бал топламыш шәхсин Тибб Университетинә һансы әсасла гәбул едилдиjи барәдә М. Аббасзадәjә суалы вар.
Диггәт: Хәбәрдән истифадә етдикдә мәнбәjә истинад лазымдыр
