Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, мартын 3-дә Ҹәлилабад раjонунда етираз аксиjасы кечириләҹәк. Сосиал тәләбләрлә кечириләҹәк аксиjанын артыг Митинг Комитәси дә jарадылыб. Комитәjә Еjваз Камраноғлу рәһбәрлик едир.
Дүнән исә Митинг Комитәси өзүнүн jазылы тәләбәләрини ачыглаjыб. 5 бәнддән ибарәт олан тәләбләрдә тәкҹә раjонун деjил, үмумиликдә, өлкәдәки сосиал проблемләрин һәлли тәләб олунур. Онлар ашағыдакылардыр:
1. Өлкәдә, о ҹүмләдән Ҹәлилабадда бүтүн дөвләт идарә вә мүәссисәләриндә коррупсиjа, рүшвәтхорлуға вә сүрүндүрмәчилиjә сон гоjулсун;
2. Ҹәлилабад раjонунда дөвләт бүдҹәсиндән малиjjәләшән бүтүн идарәләр Коррупсиjаjа Гаршы Мүбаризә Идарәси тәрәфиндән, раjон иҹтимаиjjәтинин иштиракы илә тәфтиш едилсин;
3. Ҹәлилабадлыларын сосиал шәраитини jахшылашдырмаг үчүн раjонда 2014-ҹү илә рәзиндә 1000 нәфәрлик jени иш jерләри ачылсын.
Өлкәдә, о ҹүмләдән Ҹәлилабадда кәнд тәсәррүфатынын jенидән мүасир стандартара уjғун гурулмасы үчүн jерли әһалиjә 25-30 иллитjә узунмүддәтли фаизсиз вә «шапкасыз» кредитләрин верилмәсинә башланылсын;
5. Өлкәдә, о ҹүмләдән Ҹәлилабадда әлилләрә вә гоҹалара верилән мүавинәтләрин мәбләғи ән азы 3 гат артырылмагла, мөвҹуд базар гиjмәтләринә уjғунлашдырылсын.
Алдығымыз мәлумата ҝөрә, раjон ҹамааты бу аксиjаjа ҹидди мараг ҝөстәрир. Сон бир нечә һәфтә әрзиндә иҹтимаи jерләрдә ән актив мүзакирә олунан мәсәлә дә елә бунунла бағлы олуб. Инсанларын просесә гошулуб-гшулмаjаҹағы мәсәләси исә намәлум олараг галыр.
Диггәт: Хәбәрдән истифадә етдикдә мәнбәjә истинад лазымдыр
