Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәудиjjә Әрәбистанындан олан jазычы Сәд әд-Дусәри ҹамаатын бир-бирилә месажлашмасыны Сәудиjjәнин “әл-Ҹәзирә” гәзетинин саjты (Гәтәрин әл-ҹәзирә каналы илә сәһв салынмасын – ред) үчүн гәләмә алыб. Бу месажлар “ҹиһад” ады алтында верилән фәтвалара гаршы ҹамаатын фикрини ортаjа гоjур.
Сәд әд-Дусәри jазыб: Бәзән истеһза, бәзән jумор кими ҹамаат арасына, сосиал шәбәкәләрдә jаjылан месажлар, үмуми тәфәккүрү чатдырыр. Биз бу месажы jазанлар, онлары охуjанлар вә буна верилән реаксиjа илә онларын һисләрини мүгаjисә едә биләрик.
Бу месажлашма маҹәраларындан бириндә, бир нечә әрәбистанлы ҹаван гәрара ҝәлдиләр ки, “ҹиһад” етмәк үчүн Суриjаjа ҝетмәк истәдикләри барәдә аталарына месаж ҝөндәрсинләр. Аталарын бу месажлара ҹаваблары белә олуб:
-Сән бу ҝүн ҹүмә намазына ҝәлмәмисән, инди ҹиһада ҝетмәк истәjирсән?!! Ҝәл, мән Феjсәл әминин jанында сәни ҝөзләjирәм!
-Өзүн дә вә сәнин ҝәздиjин бүтүн шәхсләр ... . Тез евә ҝет, jохса Суриjаjа гәдәр далынҹа ҝәләҹәм вә аггалымы (әрәбләрин баша бағладыглар шалын долағы – ред) сәнин белиндә сындырарам, аj ... !
-Олсун, амма сән вә достларын һарада jашамаг истәjирсиниз? Суриjанын сәрһәдләриндә?! Әввәлдән демишдим ки, достларын аварадырлар!
-Ҹиһада ҝедирсән вә ҹәннәт вәдәси верирсән?! Әлбәттә зәманәтсиздир!! 2000 риjал (Сәудиjjә Әрәбистаны пул ваһиди – ред) силаһ үчүн истәjирсән?! Ҝет намазыны илк вахтда гыл, бу сәнин силаһындыр!
-Оғул, әҝәр сән вә сәнинлә бирҝә оланлар ҝери гаjытмасаныз, аjагларыны сындырарам. Ағлын башындадыр?! Сәнә вә сәнинлә оланлара ләнәт олсун.
-Деjирсән бизә ҹәннәт вәдәси верилиб?!! Аллаһ сәнә рәһм етсин, бизим вәдәмиз “Һаjирә” (Сәудиjjә Әрәбистанында бир һәбсхананын ады – ред) түрмәсидир!
-Јадындан чыхмасын, телефонунун “адаптер”-ини дә апарарсан!
-Ҹиһада ҝедирсән?! Аллаһ сәнә хеjир версин, ананы да өзүнлә апар!
Диггәт: Хәбәрдән истифадә етдикдә мәнбәjә истинад лазымдыр
