Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанын һүгуг-мүһафизә органлары тәрәфиндән беjнәлхалг ахтарыша верилмиш даһа ики террорчунун Әфганыстанда өлдүрүлдүjү мәлум олуб.
Мәлумата әсасән, Әфганыстанда азғын “талибан” силаһлы груплашмаларын тәркибиндә вурушан jарамаз “сәләфиәгидәли” Бакы шәһәр сакини, 31 jашлы Тәрлан Мәммәдов вә 46 jашлы Акиф Османов коалисиjа гүввәләри тәрәфиндән өлдүрүлүб.
Интерполун саjтындакы мәлумата ҝөрә, “вәһһаби” А. Османов Азәрбаjҹан, рус вә пушту дилләрини билиб. О, Азәрбаjҹан Республикасынын һүдудларындан кәнарда фәалиjjәт ҝөстәрән террор актлары һәjата кечирән силаһлы груплашмаларын jарадылмасында, онларын силаһландырылмасында вә һәмин ганунсуз силаһлы бирләшмәләрин тәркибиндә вурушмагда иттиһам олунуб.
Хатырладаг ки,сон илләр әрзиндә вәһһабиәгидәли азәрбаjҹанлы террорчуларын күтләви сүрәтдә Суриjа, Әфганыстан вә Пакистана ахышмалары, бу өлкәләрдә амансызҹасына террор актларынын һәjата кечирмәләри артыг ади бир һала чеврилмишдир. Тәкҹә бир нечә ҝүн әрзиндә өлән азәрбаjҹанлы jараглылар - Худат шәһәр сакини, 39 jашлы Урфан Ағҹабәjовун Суриjада, Бакы шәһәр сакини, 46 jашлы Акиф Османов, Сумгаjыт шәһәр сакини, 36 jашлы Имран Гасымов, Фүзули раjон сакини, 39 jашлы Мүшфиг Баjрамов, Шәки раjон сакини, 36 jашлы Азар Јусубовун исә Әфганыстанда өлдүрүлмәси барәдә мәлумат Интерполун саjтында jаjымланыб.
Онлар Азәрбаjҹан Республикасынын һүдудларындан кәнарда фәалиjjәт ҝөстәрән силаһлы груплашмаларын jарадылмасында, онларын силаһландырылмасында вә һәмин ганунсуз силаһлы бирләшмәләрин тәркибиндә вурушмагда иттиһам олунурлар.
Диггәт: Хәбәрдән истифадә етдикдә мәнбәjә истинад лазымдыр
