Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мүгәддәс Гурани Кәримин азәрбаjҹан дилиндә охунмасы тәклифини верән Милли Мәҹлсин спикери Огтаj Әсәдов jәгин билмәмиш деjилди ки, бу мөвзу мәтбуатда мүзакирәjә чыхарыла биләр, бир аз да дәгиг десәк, спикер бу тәклифи елә она ҝөрә верди ки, ҹәмиjjәт бу мөвзуда мүзакирәләр апарсын.
Тәклифлә бағлы мүнасибәт билдирән илаһиjjатчыларын һеч дә һамысы Огатj Әсәдовун һагсыз һесаб етмәди, елә адамлар олду ки, өзүнү илаһиjjатчы адландырыб Гуранын азәрбаjҹан дилиндә охунмасыны нормал бәлкә дә ваҹиб олдуғуну билдирди. Бунун да өз сәбәби вар, белә ки, әлиjев режиминә гуллуг едәнләрин арасында һәр пешәнин саһиби олдуғу кими, руһаниләр дә вар.
Өз нөвбәсиндә ГМИ сәдри Аллаһшүкүр Пашазадә дә бу мәсәләjә мүнасибәт билдирәркән геjд Гуранын оржинал дилдә охунмасынын динин шәрти олдуғуну геjд едиб. Бундан башга мүнасибәт билдирән шиә руһаниләринин һамысы бирмәналы олараг геjд едибләр ки, инсанларын анламасы үчүн тәрҹүмәләрә, тәфсирләрә мүраҹиәт етмәси чох доғру оларды вә бу олунмалыдыр да, лакин бу о демәк деjил ки, Гуран башга дилдә охунмалыдыр.
Бу ҝүнләрдә мәтбуатда бу мөвзунун мүзакирәси заманы белә мәлум олду ки, спикер Огтаj Әсәдовун тәклифи ҹәмиjjәтдә әкс сәда доғуруб вә Гуранын азәрбаjҹан дилиндә охунмасынын тәрәфдарлары һеч дә аз деjилмиш.
Бу да әлиjев режиминин Исламла дүшмәнчилиjинин нәтиҹәсидир. Јахын тарихә бахсаг ҝөрәрик ки, әлиjев режими әввәл мәсҹидләрин сөкүлмәси, азан сәсинин кәсдирмәси, “Ја Рәсулуллаһ” деjиб jүрүш едәнләри һәбсә атмасы, һиҹаба гадаға гоjмасы, һиҹаба азадлыг тәләб едәнләри һәбсә атмасындан сонра инди дә Гурана әл атмалары Исламла дүшмәнчилик сиjасәтин давамыдыр. Башга неҹә адландырмаг олар бу ҹүр фитнәләри?
Ону да геjд едәк ки, Гуранын әрәб дилиндә охунмасы илә бағлы илаһиjjатчыларын фикирләринин үст үст дүшмәсини тәхмин етмәк оларды, мәзһәб фәрги олмадан ҝүман етмәк оларды ки, шиәси дә, сүнниси дә, сәләфиси дә оржинал дилдә охунушун тәрәфдары олаҹаг, анҹаг һиҹаб мәсәләсиндә олдуғу кими бу дәфә дә jенә шиәләр тәк галды, шиәләрдән башга һеч бир мәзһәб тәмсилчиси Гуранын оржиналдан охунмасыны мүдафиә етмәди. Сәләфиләр сусур, нурчу тәригәтинин тәмсилчиси оланлардан исә азәрбаjҹан дилиндә охунмасына мүсбәт jанашдығыны деjир.
Ҝәләҹәкдә әлиjев режими Гуранын азәрбаjҹан дилиндә охунмасы вәjахуд әрәб дилиндә охунмасыны гадаған етмәси һаггында һәр һансы бир ганун гәбул едәрсә буна белә тәәҹҹүбләнмәрик, чүнки бу ҹүр аддымлар режимин маһиjjәтидир, буну ҝөзләмәмәк өзү бөjүк бир гәбаһәтдир.
Гафгаз.ир Ислам Тajмс-а истинадла
Диггәт: Хәбәрдән истифадә етдикдә мәнбәjә истинад лазымдыр
