Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гафгаз Мәдәниjjәт Мәркәзиндә 19 jанварын Дүнjа Мүсәлман Азәриләри Ҝүнү адландырылмасы мүнасибәтилә семинар кечирилиб.
Семинарда иштирак едән алим вә мүтәхәссисләрин чыхышларынын хүласәсини саjтымызын һөрмәтли изләjиҹиләринә тәгдим едирик.
Дүнjада бирлик вә һәмкарлыгларын меjарлары вар. Бу меjарлар гаршылыглы шәкилдә рабитәләрин ҝенишләнмәси вә етимадын артмасында фаjдалы ола биләр.
Бу рабитәләр һәр ҝүн ҝүҹләнмәли, өзүнү әсл симасында ҝөстәрмәлидир. Чүнки бу рабитәнин әсасы гаршылыглы һүгуглар вә әдаләтин горунмасы илә мүмкүндүр. Конститусиjамызын 154-ҹү маддәси бәшәриjjәтин хошбәхтлиjинин бирлик меjарларында, мәнәви дәjәрләрин мүштәрәклиjиндә ҝөрүр. Бу jолла һагг-әдаләт сәһнәjә чыхыр.
Бизим Азәрбаjҹан халгы илә мүштәрәк хүсусиjjәтләримиз вә дәjәрләримиз чохдур. Дил вә милли мүштәрәкликдән әлавә дәjәр вә етигад саһәсиндә мүштәрәклиjимиз вар. Мәһз бу мүштәрәклик әсас вәһдәт, бирлик нөгтәсидир. Бундан долаjы Азәрбаjҹана jениҹә дахил олмуш Америка вә сионист режим ҝүҹ вә кимлиjимизә зәрбә вурмаға чалышыр. Бу мәгсәдлә бәзиләри виҹдан азадлығындан суи-истифадә едир, чиркин вәһаби тәфәккүрү jаjылыр. Истәнилән бир jолла Азәрбаjҹан халгыны өзүл дүшүнҹәсиндән jаjындырмаға сәj ҝөстәрирләр. Дини вә етигади әсаслар, иҹтимаи-сиjаси, идеоложи мүштәрәкликләр васитәсилә Азәрбаjҹан халгы вә дөвләт рәсмиләрини ҹинаjәткар дөвләтләрин ҹаjнағындан хилас етмәк вәзифәмиздир. Чалышмалыjыг ки, бу халг вә сиjасиләрдән чиркин мәгсәдләрин һәjата кечмәсиндә истифадә едә билмәсинләр. Үмид едирик ки, Азәрбаjҹан рәсмиләри бу тәһлүкәни һисс едир вә сионист, вәһаби тәфәккүрүнүн өлкәjә нүфузуна бундан артыг иҹазә верилмәjәҹәк. Сахта пантүркизм дүшүнҹәси нәинки азәриләрин Ислам вә иранлы кимлиjини һәдәләjир, һәтта дүшмән бу jолла Иран вә Азәрбаjҹан арасында рабитәләрә, бирлиjә зәрбә вурмаг истәjир.
Мүхтәлиф реҝионларда, хүсусилә дүшмән тәблиғат машынында азәри кимлиjи һәдәфә алыныр. Әслиндә тарих китабларында азәри кимлиjи тәсдигләнир вә Араз чаjынын ашағы һиссәси бу адла jада салыныр. Азәрбаjҹан сөзү азәри мәншәли сөздүр, оду горуjанын ады кими хатырланыр. Бу барәдә мәлумат чохдур. Тарих боjу чохлары чалышыблар ки, Араз чаjындан jухары һиссәни дә Азәрбаjҹан кими танытдырсынлар. Һансы ки бу һиссәнин ады Аран, Ширван, Гафгаздыр. Мәдәниjjәт, дил, инанҹ бахынмындан ики мәнтәгә арасында мүштәрәклик ҝөз габағындадыр. Тарихи һадисәләр, Түркмәнчаj Мүгавиләсиндән сонра өлкәмизин азәри әһалили 17 шәһәри Иран шаһларынын ләjагәтсизлиjи сәбәбиндән Ирандан гопарылды. Һәмин вахт Рус һөкумәти ики партиjа – Демократ вә Ислам партиjалары тәсис етмәклә мәнтәгәдә мүсәлманлар арасында тәфригә jаратмаға чалышды. Советләр Бирлиjи башчылары бу ики партиjа васитәсилә өз мәгсәдләринә чатмаг истәjирди.
Түрк Бирлиjи шүары илә пантүркист групларын jарадылмасында әсас мәгсәд түрк бирлиjи jох, мәнтәгә халгларыны әсл кимлиjиндән аjырмаг иди. Бу дүшүнҹәни jаjмагла бир груп чалышырды ки, Азәрбаjҹан Иран торпагларыны да өз адына чыхсын. Әслиндә реҝионал парчаланма Гаҹар дөврүндән башламышды. Бу ҝүн һәмин реҝионда һәм Ислам, һәм азәри кимлиjи мүшаһидә едилир. Халг коммунизм диварларыны jарыб өз һәгиги үнванына, Ислам Иранына үз тутур. Әлбәттә ки, дүшмәнләр мүхтәлиф һиjләләр вә фитнәләрлә 19 jанвар һәгигәтини өрт-басдыр едиб, 31 декабр ҝүнүнү Дүнjа Азәрбаjҹанлыларынын Һәмрәjлиjи Ҝүнү ады илә өнә чәкирләр. Амма бу план баш тутмаjаҹаг, дүшмән мәғлуб олаҹаг. Азәрбаjҹан Республикасында Ислам кимлиjи сионизм үчүн бөjүк тәһлүкәдир. Буна ҝөрә дә азәриләрин өз дин вә етигадына бағлылығыны истәмирләр.
Азәрбаjҹан дөвләтинин бу етигада гаршы jөнәлмиш сиjасәтләри, 31 декабр ҝүнүнү өнә чәкмәси тәсирсиз өтүшмүр. Әслиндә һәмин ҝүн һеч бир һадисә баш вермәjиб. Амма 19 jанвар Ислам вә азәри кимлиjинә гаjыдыш нидасынын уҹалдығы ҝүндүр. Һәмин ҝүн сәрһәдләр гырылыб. Бу ҝүн һәмин мәгсәдлә әзиз тутулур, әһәмиjjәтли саjылыр. Азәрбаjҹан башчылары АБШ вә ҹинаjәткар сионист режимлә әл-әлә верәрәк чалышырлар ки, азәри дилли халгын бүтүн наилиjjәтләрини өз адларына чыхсынлар. Милли мәнафе буна иҹазә вермир. Бу алдадыҹы һәрәкәтләр милли мәнафеjә зиддир. Иран Ислам Республикасы Иран вә Азәрбаjҹан халглары арасында достлуг вә бирлик jаранмасы үчүн чох чалышмышдыр. Биз мүштәрәк нөгтәләри зәифләтмәjә чалышан дүшмәнләрдән фәргли олараг бу нөгтәләр үзәриндә даjанырыг. Бу фәалиjjәтләрә манеәләр jарадылса да Азәрбаjҹан халгынын азәри вә Ислам кимлиjинин тәсдиги үчүн аддымлар атырыг. Дүшмән чалышыр ки, азәриләр үчүн сахта бир кимлик jаратсын. НАТО-нун шәргә доғру ҝенишләнмәси, сионист режимин реҝионда фитнәкар мөвҹудлуғу, еләҹә дә шиә вә Әһли-беjт һәгигәтини һәдәфә алмыш сәләфи вә вәһаби групларын фәаллашмасы Азәрбаjҹан үчүн бөjүк тәһлүкәдир. Дүшмәнин әсас мәгсәди Иранла Азәрбаjҹан арасындакы рабитәләрә зәрбә вурмагдыр. Биз виза режимини jүнҝүлләшдирмәклә Азәрбаjҹан халгына хош мүнасибәтимизи нүмаjиш етдирдик. Һазырда һәр ҝүн Биләсувар ҝөмрүк кечид мәнтәгәсиндән 3500 азәри Ирана кечир. Бу хош ниjjәт Азәрбаjҹан тәрәфиндән дә ортаjа гоjулмалыдыр.
Диггәт: Хәбәрдән истифадә етдикдә мәнбәjә истинад лазымдыр
