Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Фәләстин торпагларыны ишғал етмиш гондарма сионист режиминдә малиjjә галмагаллары артыг адәт һалына чеврилиб. Чиркли пулларын jуjулмасы исә, jәһуди дин хахамлары арасында даһа ҝениш вүсәт тапмышдыр. Белә ки, нөвбәти хахам Мутәсәҹҹирдир ки, малиjjә галмагалларында ады һалланыр.
Авропа jәһудиләринә (әшкинази jәһудиләри) он ил башычылыг едән али рүтбәли, 66 jашлы хахам Мутәсәҹҹир, өтән ил, Иjун аjында, гондарма исраил режимин полиси тәрәфиндән истинтага ҹәлб олунараг, Иjул аjынын 14-дә, тутдуғу вәзифәсиндән истефа вериб. Елә һәмин ил, ноjабр аjында кечирилән истинтагын нөвбәти мәрһәләсиндә, һәр һансы бир иттиһам сүбута jетмәдиjи үчүн Мутәсәҹҹир азад едилир.
Гондарма исраил режимин “коррупсиjаjа гаршы мүбаризә полиси”, Мутәсәҹҹирин jенидән һәбс едилмәси илә бағлы вердиjи бәjанатында билдириб: “Мүхтәлиф коррупсиjа һалларынын арашдырылмасы заманы Мутәсәҹҹир дә чиркли пулларын jуjулмасында иттиһам олунур. Бу пулларын рәгәми jүз минләрлә долар олдуғу геjд едилир”.
Диггәт: Хәбәрдән истифадә етдикдә мәнбәjә истинад лазымдыр
