Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Авропа Парламентинин Азәрбаjҹанда 9 октjабр президент сечкиләрини мүшаһидә едән 7 депутаты ҹәзаландырылыр. Виртуалаз.орҝ саjты Авропа нәшрләринә истинадән хәбәр верир ки, сабаһ - февралын 11-дә Авропа Парламентинин Мәшвәрәт Комитәси онларын мәсәләсинә бахаҹаг. Илк дәфәдир ки, Авропа Парламенти өз үзвләринә гаршы санксиjалар тәтбиг едир. Мәшвәрәт Комитәси Авропа Парламентинин етика мәсәләләринә бахан комитәсидир. Комитә Азәрбаjҹандакы сечкиләрдә мүшаһидәчи олан депутатларын барәсиндә рүшвәт вә гиjмәтли һәдиjjәләрин әвәзиндә сечкиләрин “азад вә әдаләтли кечдиjинә” даир рәj һазырламагда ҝүнаһландырылыр. Комитә һәмчинин франсалы депутат Рәшидә Датинин дә мәсәләсинә бахаҹаг. Рәшидә Дати Азәрбаjҹанын лоббичиләриндән бири кими таныныр.
Хәбәрдә билдирилир ки, Авропа Парламентинин Азәрбаjҹандакы сечкиләр үзрә мүшаһидә миссиjасынын рәһбәри Питер Арлакки, миссиjанын үзвләри Филип Качмарек, Јоаһим Тселлер, Јевҝени Кирилов, Норика Николаи, Ҝаброч вә Фиорелло Провералар комитәнин санксиjалары илә үзләшәҹәкләр. Авропа Парламентинин Мәшвәрәт Комитәси онларын Азәрбаjҹандакы сечкиләрә даир һазырладығы рәjин АТӘТ-ин Демократик Тәсисатлар вә Инсан Һаглары Бүросунун мүшаһидә миссиjасынын рәjинә там зидд олдуғуну геjд едир. Һәмчинин депутатлар Азәрбаjҹана сәфәрләринин ким тәрәфиндән малиjjәләшдирилдиjинә вә бу сәфәр заманы һансы баһалы һәдиjjәләр алдыгларына изаһат верә билмәjибләр. Авропа Парламентинин үзвләринин jени давраныш кодекси өтән илин иjулунда гәбул едилиб. Бу кодексә ҝөрә, Авропа Парламентинин үзвләри истәнилән футбол матчына вә jа шоуjа, хүсусән дә хариҹи сәфәрләрә алдыглары дәвәтләри өз интернет сәһифәләриндә ҝөстәрмәлидир. Һәмчинин депутатларын 150 авродан баһалы истәнилән һәдиjjә алмасы гадағандыр. Бу гаjдалар 2011-ҹи илдә “Сундаj Тимес” гәзетинин ики журналистинин өзләрини лоббичи кими гәләмә верәрәк Авропа Парламентинин үзвләрини пулла онлары дәстәкләмәjә разы салмасындан сонра тәтбиг едилмишди.
Һәмин давраныш кодексинә әсасән jарадылмыш Мәшвәрәт Комитәси индиjәдәк ҹәми бир депутатын - Белчиканын кечмиш баш назири Жан-Лjук Деанын мәсәләсинә бахыб. О, малиjjә мараглары илә бағлы дүзҝүн бәjаннамә вермәдиjи үчүн тәнбеһ едилиб. Бу дәфә исә Азәбаjҹандакы сечкиләри изләjән депутатлара гаршы һәм төһмәт, һәм дә ҹәримә ҹәзасы тәтбиг едилә биләр. Давраныш кодексинә ҝөрә, гаjдалары позан депутатлара гаршы Авропа Парламентинин президентинин адындан төһмәт елан олунур, сонракы ҹәза онлара гаршы ҹәримә ҹәзасыны нәзәрдә тутур. Сон ҹәза исә депутатын Авропа Парламентиндән хариҹ едилмәсидир. Комитәнин гәбул етдиjи гәрары Авропа Парламентинин президенти Мартин Шултс тәсдигләмәлидир. Рәшидә Датинин мәсәләси исә Мәшвәрәт Комитәсиндә рәсмән jох, кулуарларда мүзакирә олунаҹаг. Әввәлләр Франсанын “ҜДФ Суез” ширкәтиндә ишләдиjи үчүн Р.Датинин Авропа Парламентинин енерҝетика мәсәләләри үзрә комиссиjасынын үзвү кими фәалиjjәти дүзҝүн һесаб едилмир. Белә ки, франсалы депутатын вә кечмиш назирин бу комиссиjада енержи ширкәтләринин марагларыны мүдафиә етдиjинә даир шүбһәләр вар.
Диггәт: Хәбәрдән истифадә етдикдә мәнбәjә истинад лазымдыр
