Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Милади тарих илә 10 Феврал, 2014-ҹү илә тәсадүф едән тарих һәзрәти Фатимәи Мәсумәнин (сәламулаһи әлеjһа) Шәһадәт ҝүнүдүр.
Биз АБНА олараг бу һүзүнлү ҝүнләри башда Заманын Саһиби Имам Мәһди (Аллаһ Тәала онун шәрафәтли зүһуруну тезләшдирсин) ҹәнабларына, о һәзрәтин һагг наиби Имам Хаменеи һәзрәтләринә, Али Тәглид Мәрҹәләринә вә бүтүн ағыл саһибләринә тәслиjjәт әрз едирик.
Һәзрәти Фатимәи Мәсумәнин (әлеjһа салам) Һәjаты
Һәзрәти Мәсумә (сәламуллаһи әлеjһа) чиркинликләрдән узаг, ән ҝөзәл әхлаги вә давраныш сифәтләринә саһиб олан, кәрамәт, дираjәт абидәси, тәгвада, бөjүклүкдә бәнзәрсиз вә ҹәза ҝүнүнүн шәфаәтчисидир. О, һәзрәти Зеjнәб (сәламуллаһи әлеjһа) кими бир дуруш сәрҝиләjәрәк Ислам дүшмәнләринин һәгиги үзүнү ортаjа гоjмушдур.
Зилгәдә аjынын биринҹи ҝүнү һәзрәти Мәсумәнин (сәламуллаһи әлеjһа) мүбарәк доғум ҝүнүдүр. Анасы һәзрәти Фатыматүз Зәһранын (сәламуллаһи әлеjһа) исмәти, шәрафәти онда тәҹәлли етмишдир. О, ҹәннәт гадыны, ибадәт вә jалварышын иксири, чиркинликләрдән узаг, jарадылышын ҝөзәл гохулу шәбнәмләри. Бүтүн аилә фәрдләри әхлаги фәзиләтләрлә бәзәнмиш олан бир аиләдә дүнjаjа ҝәлмишдир. Ибадәт вә зөһд, тәгва вә пәһризкарлыг, доғру данышан, хошҝөрүш, чәтинликләр гаршысында истигамәтли, ҹомәрдлик, фәзиләтли вә Аллаһы зикр етмәк кими сифәтләр бу пак аиләнин ән диггәтә чарпан хүсусиjjәтләриндәндир.
Әзиз атасы имам Муса Казым (әлеjһи сәлам) Шәһид олдугдан сонра, дәjәрли бөjүк гардашы Имам Рза (әлеjһис сәлам) баҹы вә гардашларынын тәһсил, тәдрис вә тәрбиjәсини өз өһдәсинә ҝөтүрдү.
Имам Рзанын (ә.с) гардашларына олан диггәт вә әлагәси онларын уҹа мәгамлара чатмасына сәбәб олду. Һәзрәти Мәсумә (са) һаггында деjилән сифәтләр Имам Разадан (ә.с) сонра о Ханымын һәзрәти Имам Казымын (ә) ушаглары арасында ән уҹа мәгамлара чатаны олдуғу билдирилир.
Һз. Мәсумәнин атасы он ики Ҝүнаһсыз имамлардан Једдинҹиси Имам Муса Казымдыр (әлеjһис сәлам). Имам Муса Казым (ас) өз заманында Илаһи елмләрин дашыjыҹысы, jер үзүндәки инсанлар арасында Илаһи һөҹҹәт; елм, тәгва, зөһд вә диҝәр уҹа фәзиләтләр ҹәһәтдән бәнзәрсиз иди. Чох аз jатар, ҝеҹәләрини ибадәтлә кечирәр, сәҹдә һалында саатларла Аллаһ Тәала илә мүнаҹат едәрди. Бир чох ҝеҹәләр өзүнү тантмадан касыбларын евләринә мүраҹиәт едәрәк шәфгәтли бир ата кими онларын евинә лазымлы олан еһтиjаҹ маддәләрини дашыjарды. Ҝүндүзләри исә халгы һагга һидаjәт етмәклә мәшғул олур вә залымлар васитәсиjлә тәһрифә уғрамыш олан динин һәгигәтләрини ачыглаjарды.
Һз. Мәсумәнин анасы иффәт, иман вә таквасыjла танынан вә Ислами елмләрә вагиф Нәҹм адында мөһтәрәм бир ханымдыр. О Ислами елмләри Һз. Имам Ҹәфәр Садигин (әлеjһа салам) ханымы Һәмидәдән өjрәнмишдир.
Һәмидә белә деjир: Нәҹмә бизим евә ҝәлдиjи ҝүн, Пеjғәмбәри (сәлләллаһу әлеjһи вә алиһ) рөjамда ҝөрдүм мәнә белә буjурду: "Еj Һәмидә Нәҹмәни оғлун Муса илә евләндир. Чүнки jер үзүнүн ән jахшы инсаны ондан дүнjаjа ҝәләҹәкдир."
Һәмидә деjир ки мән Рәсулуллаһын (сәлләллаһу әлеjһи вә алиһ) әмри илә Нәҹмәни оғлум Мусаjа алдым вә ондан Имам Рза дүнjаjа ҝәлди.
Хорасана Сәфәр
Аббаси хәлифәләринин jеддинҹиси олан Мәмун (Аллаһын ләнәти она олсун), Шиәләрин гыjамыны jатыртмаг үчүн, һәзрәти Имам Рзаны (әлеjһи сәлам) Мәдинәдән Хорасана мәҹбури сүртдә дәвәт етди. Бу барәдә, Имама чох мәктублар ҝөндәрди вә нәһаjәт зорла Имамы Хорасана ҝәтиртди. Мәмун (әлеjһи ләнә) илк әввәл сиjаси аддым атараг хилафәти Имама тәклиф етди, амма Имам (ас) гәбул етмәди. Даһа сонра вәлиәһд (админ: Јәни хәлифәдән сонра хилафәтә кечәҹәк шәхс) олмағы тәклиф етди. Имам (ә.с), Мәмунун һиjләләриндән хәбәрдар олдуғу үчүн jенә, илк әввәл гәбул етмәди, амма даһа сонра Мәмунун исрар вә тәһдидиjлә, вәлиәһдлиjи, мәмләкәтин сиjаси ишләринә гарышмамаг шәрти илә, заһирдә гәбул етди. Имам (ә.с) гоjдуғу бу шәртлә, Мәмунун һөкумәтиндән разы олмадығыны Мүсәлманлара бир даһа изаһ етди.
Һәзрәти Мәсумәнин Шәһадәти вә Дәфни
Мәмунун, Имам Рзаны (әлеjһис салам) Мәдинәдән Мәрв шәһәринә ҝәтиздирдикдән бир ил сонра , jәни Һиҹрәтин 201- ҹи илдә һәзрәти Мәсумә (әлеjһа сәлам) гардашыны ҝөрмәк үчүн, аиләси илә бирликдә 50 нәфәрлик карван илә Мәдинәдән Хорасана доғру һәрәкәт етди. [1]
Бу сәфәрдә һәзрәти Масумәни гардашлары Фәзл, Ҹәфәр, Һади, Гасим вә бир нечә гардашы оғлу вә бир нечә хидмәтчи илә бирликдә иди. Һәзрәти Мәсумә ханым һансы шәһәр вә кәндә чатырдыса гардашы Имам Рызанын зүлмүкар падшаһларын әлиндә әсир олдуғуну вә Гәсбкар Әббаси сүлаләсинә гаршы олдуғуну вә вәлиәһдлиjи мәмләкәтин сиjаси ишләринә дәхаләт етмәмәси шәрти илә гәбул етмәсинин бир даһа зүлмә гаршы мүбаризәнин давам етдирдиjини сөjләjирди.
Бу минванла һәзрәти Мәсумәнин (әлеjһа сәлам) олдуғу карваны Иранын Савә шәһәринә чатдығда, Әһли Беjт дүшмәнләри халгын (Синни вә Шиә ҹамаатынын) Әббаси сүлаләсинә гаршы гиjамлара jенидән әл атаҹағларындан горхараг, онларын карванына һүҹум етдиләр. Амансыз һүҹумда һәзрәти Мәсумәнин (әлеjһа сәлам) гардаш вә гардашы оғланларындан 23 нәфәри баш верән гаршыдурма нәтиҹәсиндә Шәһид олдулар.
Гум шәһәринин халгы бу хәбәри ешидинҹә көмәjә тәләссәләр дә һадисә jеринә чатдыгларында артыг һәзрәти Мәсумәнин (әлеjһа сеәлам) jахынларындан чоху Шәһид олмушдур. Дүшмән гүввәләри Һәзрәти Мәсумәни (әлеjһа сәлам) зәһәрләмәjә дә наил олмушдулар, бәзи тарихчиләр исә һәзрәти Мәсумәнин бу һадисәдән хәбәрдар олдугда кечиртдиjи һүзн вә кәдәр нәтиҹәсиндә шиддәтли бир шәкилдә хәстәләндиjини jазырлар.
Ханым Мәсумә (әлеjһа сәлам), ' Бураjла Гум Шәһәри арасындакы мәсафә нә гәдәрдир?' - деjә сорушдулар. Он фәрсәх деjә ҹаваб вердиләр. Ханым Мәсумә даһа сонра, 'Мәни Гума апарын' деjә буjурдулар . Вә сөзләринә буну әлавә етдиләр ки, “Мән Аталарымдан ешитдим ки, Гум шәһәри бизим Шиәләримизин мәканыдыр[2]'.
Һәзрәти Мәсумә (әлеjһа сәлам), Һиҹри Гәмәри тарихи илә 201 илдә Рәбиул Әввәл аjынын 23-дә Гум шәһәринә чатдылар.
Нәгл едилән сәһиһ һәдисләрә ҝөрә, Ханым Мәсумәнин (әлеjһа сәлам) Гум шәһәринә дахил олдугда, Гумун ағсаггалларындан бири олан Әшәри гәбиләсинин башчысы Муса ибн Хәзрәҹи олмагла Гум әһалисинин сых топлум бир групу, Һәзрәти Мәсумәни (әлеjһа сәлам), гаршыладылар. Вә чохлу дәвә вә гоjунлары гурбан кәсдиләр.
Ханым Мәсумәнин (әлеjһа сәлам) Гум шәһәриндә, Гумун ағсаггалларындан бири олан Әшәри гәбиләсинин башчысы Муса ибн Хәзрәҹинин хаһиши илә онун евинә jерләшдиләр.
Һәзрәти Мәсумә (әлеjһа сәлам), Муса ибн Хәзрәҹин евиндә олдуғу мүддәтҹә, даим гардашы Имам Рызаны (әлеjһи сәлам) хатырлаjыб аjрылығындан өтәри ҝөзjашы төкүрдү. Ханым Мәсумәнин (сәламуллаһи әлеjһа) олдуғу ев һазырда Беjтун Нур ады илә танынан Гум шәһәринин “Чеһелопәнҹ метри Әммар Јасир, Меjдани Мир" мәһәлләсиндә jерләшән"Ситтиjә" мәдрәсәси jахынлығындакы евдир.
Ханым Мәсумә, Муса ибн Хәзрәҹин евиндә он jедди ҝүн галды, Рәбиус Сани аjынын онунда, 201 Һиҹри Гәмәри илдә Гум шәһәриндә Шәһадәтә jетди.
Бу нәглә ҝөрә һәзрәти Мәсумә Шәһид олдугда доғумундан 27 ил 4 аj вә он ҝүн кечирди.
Һәзрәти Фатиме Мәсумә (әлеjһа сәлам), Шәһид олдугдан сонра она гүсул вериб , кәфәнләдиләр вә сонра Гумда олан Бабилан адлы гәбиристанлыға дәфн етмәк үчүн апардылар.
Нәглә ҝөрә , кимин һәзрәти Мәсумәнин пак нәшини мәзара гоjаҹағы барәсиндә, Хәзрәҹи аиләси арасында ихтилаф меjдана ҝәлмиш вә сонунда һамысы, Гәдр адлы салеһ бир jашлынын бу вәзифәни боjнуна ҝөтүрмәси барәсиндә иттифаг етмишләр.
Бу шәхс ҝәлиб ҹәназәни дәфн етмәк истәдикдә, бирдән чөлүн гумлу тәрәфиндән үзү өртүлү ики сүваринин сүрәтлә ҝәлдиjи ҝөрүнүр. Бу ики сүвари, Ханым Масумәнин пак ҹәназесинин jанына ҝәлиб атларындан ендиләр, ҹәназә намазыны гылдылар, сонра һәзрәти Мәсумәнин ҹәназәсини торпаға тапшырдылар вә даһа сонра чыхыб ҝетдиләр. Бунлар Имам Рза (әлеjһис сәлам) илә jеҝанә оғлу Имам Мәһәммәд Тәгинин (әлеjһис сәлам) иди.
Илк өнҹә Муса ибн Хазрәҹ, гәбрин үзәринә һәсирдән бир көлҝәлик тикди, даһа сонралары доггузунҹу Имам һәзрәти Мәһәммәд Тәгинин (әлеjһис сәлам) гызы һәзрәти Зеjнәб, Гума ҝәлди вә о мүтәһһәр мәзарын үзәринә бир гүббә инша етдирди.
--------------------------------------------------------------------------------
[1] — Şeyx Abbas Qumi, Muntəhəl Amal s.161
[2] — Səqqazadə Təbrizi, "Dəryayi Suhən".
Диггәт: Хәбәрдән истифадә етдикдә мәнбәjә истинад лазымдыр
