Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Франса Мүсәлманларынын Шурасы өлкәдә Мүсәлманлара гаршы зоракылыг сиjасәтләринин ҝенишләндиjи һагда бәjанат jаjымлаjыб.
Франса Мүсәлманларынын Шурасы апардығы арашдырмаларда, 2013 –ҹү илдә Ислам Дини илә дүшмәнчиликин 11.3 фаиз артдығыны билдириб.
Шуранын билдирдиjинә ҝөрә, Франсада Ислам Дининә гаршы дүшмәнчиликин артмасына сәбәб, Франсанын Һиҹаблы гадынларына гаршы зоракылыг актларынын артмасыдыр.
Билдирәк ки, Реутерс Аҝентлиjи бир мүддәт өнҹә, 20 Март, 2013 тарихдә, 18 jашлы Рәбиә Бентон адлы франсалы Мүсәлман ханымын Парисин шимал – шәрг мәнтәгәсиндә христиан вә jәуди милләтчиләринин һүҹумуна мәруз галдығыны елан едиб.
Белә ки, һадисәни шәрһ едән Рәбиә она гаршы зоракылыг едәнләрин мәһз онун Дини вә Һиҹабы илә проблемләри олдуғуна ишарә едәрәк деjиб: “Ики нәфәр киши хәjлагы үзәримә һүҹум чәкәрәк Һиҹабымы башымдан зорла ачдылар”.
Геjд едәк ки, 2013- ҹү илдә тәкҹә Франсанын паjтахты Парисдә Мүсәлманларын компакт jашадыглары Ил де Франс мәнтәгәсиндә Мүсәлман ханымлара гаршы 49 зоракылыг акты геjдә алыныб.
Диггәт: Хәбәрдән истифадә етдикдә мәнбәjә истинад лазымдыр
