Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гәрб кәшфиjjат ваһидләринин апардығы арашдырмалар, 2012-ҹи илдән бәри силаһлы террорчу тәшкилатларын сыраларына гатылмалары нәтиҹәсиндә Суриjада 100-дән чох авропалы силаһлы jараглынын өлдүjүнү тәсдигләjәрәк, рәсми Сәудиjjә Әрәбистанында Суриjаjа ҝедәҹәкләри шәртиjлә мүхтәлиф ҹинаjәт һадисәләриндә ҝүнаһландырылан jүзләрлә мәһбусу сәрбәст бурахдығыны ачыглаjыб.
Суриjада дөjүшән азғын авропалы jараглылар һагда апардығы арашдырмаларда Јахын Шәрг ишләри үзрә мүтәхәссиси, Франсыз журналист Ҹорҹ Малбруно, Лө Фиҝаро гәзетинин дүнән нәшр етдиjи "2012-ҹи илдән бәри Суриjада 100 Авропалынын өлдүрүлмәси" башлыглы мәгаләсиндә, jәгин ки, бу әдәдин бундан даһа чох ола биләҹәjинә ишарә едиб.
Малбруно, хариҹи jараглыларын интиһар һәрәкәтләриндә әһәмиjjәтли бир рол оjнадыгларыны вә һәмчинин диҝәр силаһлы груплара тәблиғат вә моизәләр каналы илә "ҹиһадчы" идеолоҝиjанын jаjылмасы үчүн истифадә едилдикләрини сөjләjиб.
Малбруно һәмчинин, гәрб кәшфиjjат ҹиһазларынын Фаслы вә jа Ҝуантанамода көһнә мәһбус вә jахуд да Чечен вә Гафгаз көнүллүләринин тәшкил етдиjи диҝәр груплардан ибарәт олан "нүсрә ҹәбһәси" вә "Ираг вә Шам Ислам Дөвләти" адлы террорчу групларындан әлавә кичик силаһлы груплашмаларын ортаjа чыхмасы илә "jени бир истигамәт"дән нараһатлыг дуjдугларына ишарә едиб.
Суриjа торпаглары үзәриндә силаһлы террор групларынын jанында дөjүшән тәхминән 10 мин хариҹи дөjүшчүнүн олдуғуна ишарә едән Малбруно, бунларын үчдә биринин Сәудиjjә Әрәбистаны, Либjа вә Тунисдән 2012-ҹи илин орталарында ҝәлдикләрини деjиб.
Диггәт: Хәбәрдән истифадә етдикдә мәнбәjә истинад лазымдыр
