Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назири Муһәммәд Ҹәвад Зәриф ҹәнаблары илә Түркиjә хариҹи ишләр назири Әһмәд Давудоғлу Исвечрәнин Давос шәһәриндә кечирилән иҹласда Ливан Һизбуллаһ Мүгавимәт Тәшкилаты һагда мүбаһисә едибләр.
Хариҹи медиаларын вердиjи мәлумата ҝөрә, Иран Ислам Республикасынын Хариҹ Ишләр Назири иҹласда Иран Ислам Республикасы тәрәфиндән Суриjаjа һеч бир һәрби гвардиjанын jеридилмәмәсини бәjан едәрәк билдириб: “Ливан Һизбуллаһ Мүгавимәт Тәшкилатынын Суриjа торпагларында һүзур тапмаглары да бу гурумун башчылары тәрәфиндән гәрара алынмыш бир тәсмимдир. Бунун дәлили исә, Шиәләрин атрипутларына тәһгир едән Суриjаjа ҝөндәрилмиш азғын силаһлы груплашмалардыр. Һеч ким Шиәләрин бу ҹинаjәтләр гаршысында сакит дурмасыны ҝөзләмәсин”.
Бу ан Давудоғлу “Әрдоған варианты”на әл атараг, демагоглуг едиб вә билдириб: “Һәзрәти Зеjнәбин (сәламуллаһи әлеjһа) түрбәси тәкҹә Шиәләр үчүн деjил, бүтүн Мүсәлманлара әзиздир. Дини атрипутларын горунуб сахланмасы һаммынын вәзифәсидир!”
Түркиjә хариҹи ишләр назирлиjинин бу демагоглуғуна ҹаваб олараг Иран Ислам Республикасынын Хариҹи Ишләр Назири белә деjиб: “Ҹәнаб Давудоғлу! Дедиjиниз сөзләр адама хош ҝәлир. Биз дә, Суриjада бүтүн дини атрипутларын горнуб сахланмасынын тәрәфдарыjыг. Лакин сиздә чох jахшы билирсиниз ки, һәгигәтдә Суриjада һансы һадисәләр баш вермәкдәдир”.
Иран Ислам Республикасынын Хариҹи Ишләр Назири Муһәммәд Ҹәвад Зәриф ҹәнаблары даһа сонра Суриjа һадисәләрини бу һәддә ҝәтириб чатдыранлар һаггда данышараг билдириб: “Әҝәр илк ҝүнләрдә деjилмәсә иди ки, ҹәнаб Бәшшар Әсәд ики аj әрзиндә өлкәдән гачаҹаг, бир белә гырғынлар баш вермәзди. Бу нөв дүшүнүлмәмиш иддиалар едән шәхсләр, инди өз иддиалары чәрчивәсиндә мәһбусдулар вә һеч заман бу фаҹиәнин алтындан чыха билмәjәҹәкләр”.
Диггәт: Хәбәрдән истифадә етдикдә мәнбәjә истинад лазымдыр
