Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назири Ханым Мәрзиjә Әфхәм, БМТ Баш Катби тәрәфиндән Иран Ислам Республикасынын Ҹеневрә 2 конфрансында иштирак етмәси мәгсәди илә Теһрана ҝөндәрдиjи рәсми дәвәтиндән сонра ачыглама вериб.
Ханым Мәрзиjә Әфхәм вердиjи ачыгламада билдириб: “Иран Ислам Республикасы дәфәләрлә елан едиб ки, сиjаси бөһранларын һәллини jалныз сиjасы данышыгларын апарылмасында ҝөрүр. Биз, Пан Ҝи Мун ҹәнабларынын рәсми дәвәти әсасында Ҹеневрә 2 конфрансында иштирак едәҹәjик”.
О, Иран Ислам Республикасынын Ҹеневрә 2 конфрансында иштирак етмәси үчүн өнҹәдән гоjулан шәртләрлә бағлы билдириб: “Биз Ҹеневрә 2 конфрансында иштирак етмәк үчүн өнҹәдән тәjин едилмиш һәр һансы бир шәрти, гәбул етмирик вә Суриjа халгынын аҹынаҹаглы ҝүзарандан jаха гуртармасы үчүн апарылан сиjаси данышыгларда да өнҹәдән гоjулан бүтүн шәртләри инкар едирик”.
Хариҹи Ишләр Назири Ханым Мәрзиjә Әфхәм,даһа сонра билдириб: “Иран Ислам Республикасы Ҹеневрә 1 конфрансында иштирак етмәди вә конфрансын сонунда чыхарылан бәjанатда да һеч бир ролу олмды. Елә бу сәбәбдән дә бу бәjанаты гәбул етмир”.
Диггәт: Хәбәрдән истифадә етдикдә мәнбәjә истинад лазымдыр
