Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы Атом Енержиси Тәшкилатынын сәдри Әли Әкбәр Салеһи билдириб: “Иран Ислам Республикасы Фарс көрфәзи өлкәләринин нүвә әмәкдашлығы тәшкилатынын jарадылмасы тәклифини едиб”.
Әли Әкбәр Салеһи даһа сонра Ҹеневрә разылашмасынын иҹрасы илә гәрбин Иран Ислам Республикасынын динҹ нүвә фәалиjjәтләри илә бағлы jаранмыш нараһатчылығы арадан галдырылаҹағына ишарә едәрәк деjиб: “Иран Ислам Республикас да Фарс көрфәзи өлкәләрин бунунла бағлы нараһатчылығыны арадан галдырмаг үчүн белә бир гурумун jарадылмасына һазырдыр. Биз дәфәләрлә өз експертләримизин Фарс көрфәзи өлкәләринин експертләри илә мәсләһәтләшмәләр үчүн һазыр олдуғуну билдириб. Еjни заманда онларын Иран Ислам Республикасынын ҹәнубунда jерләшән Бушәһр Атом-Електрик Стансиjасынын тәһлүкәсизлиjи барәдә елми вә техники мәсләһәтләшмәләр апармасыны мәгсәдәуjғун саjмышыг”.
Витсе-президент геjд едиб ки, Бушәһр АЕС ән мүасир стансиjасыдыр: “Бу стансиjада тәһлүкәсизлик бахымдан да Атом Енержиси үзрә Беjнәлхалг Аҝентлик, һабелә рус вә иранлы експертләрин төвсиjәләри вә нәзарәтләри алтында бүтүн лазыми аддымлар атылыб”.
Ә.Ә.Салеһи вурғулаjыб ки, беjнәлхалг мүфәттишләр Иран Ислам Республикасынын Ҹеневрә разылашмасынын иҹрасына неҹә риаjәт етдиjини тәсдигләмәк вә она нәзарәт етмәк үчүн jанварын 18-дә Теһрана ҝәләҹәкләр.
Витсе-президент билдириб ки, Иран Ислам Республикасы jени нәсил сентрифугаларын истеһсалы илә бағлы фәалиjjәтләрини давам етдирәҹәк.
Диггәт: Хәбәрдән истифадә етдикдә мәнбәjә истинад лазымдыр
