Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагын Әһли Сүннә вәл Ҹәмаәтин Фәтва Һејәтинин Сәдри, Доктор Шејх Мәһди әл-Сәмиди Даһи Ислам Пејғәмбәри Муһәммәд Мустәфа (сәлләллаһу әлејһи вә алиһ) һәзрәтләринин Бөјүк Милад Бајрамында вә Бирлик Һәфтәсиндә Дүнја Мүсәлманларыны бу бајрамла тәбрик едәрәк Ислам Дүнјасына дүчар олмуш “тәкфирчиләр” һагда сөз ачараг билдириб: “Өзләринин Ислам Дининә бағлы олдуғуну иддиа едән бу шәхсләр, азғын “хәвариҹ” дүшүнҹәсини дашыјанлардыр”.
О, даһа сонра бүтүн Мүсәлманларын Ислам Пејғәмбәринин (сәлләллаһу әлејһи вә алиһ) Әхлаг вә ҝөзәл дәјәрли рәфтарлары илә өзләрини зинәтләндирмәләринә тәкид едәрәк билдириб: “Ислам Үммәтинин бүтүн үләмасы, Дини Шәхсијјәтләр, Ислам Үмәтинин Рәһбәрләриндән даһа да тәгвалы олмаларыны вә Мүсәлманлар арасында баш верән бу гантөкмәләрә сон гојулмасында јардымчы олмаларыны тәмәнна едирәм”.
Әһли Сүннә вәл Ҹәмаә Фәтва Һејәтинин сәдри, даһа сонра Вәһдәт Һәфтәси әјјамындакы фәалијјәтләринә ишарә едәрәк, әсасән Мүсәлманлар арасында Ислам Пејғәмбәринин (сәлләллаһу әлејһи вә алиһ) ҝөзәл рәфтары вә әхлагы илә бағлы маарифләндирмә ишләри апарылмасынын ваҹиблијинә тохунуб.
Доктор Шејх Мәһди әл-Сәмиди даһа сонра билдириб: “Вәһдәт Һәфтәси ҝүнләриндә әсас вәзифәмиз мәзһәбләр арасы гаршыдурма фитнәсинә сон гојмаг вә Ирагда төкүлән наһагг ганларын гаршысыны алмаг, сабитлик вә әмин әманлығы тез бир заманда әл-Әнбар әјаләтинә гајтармагдыр”.
Диггәт: Хәбәрдән истифадә етдикдә мәнбәјә истинад лазымдыр
