Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Иран Ислам Республикасынын Хариҹи Ишләр Назири Муһәммәд Ҹавад Зәриф ҹәнаблары Јахын Шәрг өлкәләриндә јашанан гаршыдурмаларын вә ҝәрҝин һадисәләрин сүл јолу илә һәлли үчүн Ливана, Ираг Республикасына Иорданија вә Суријаја рәсми сәфәр едиб.
Хариҹи Ишләр Назири Муһәммәд Ҹавад Зәриф ҹәнаблары Ливана сәфәри заманы илк өнҹә Ливан Һизбуллаһ Мүгавимәт Тәшкилатынын Баш Катиби Һөҹҹәтүл Ислам вәл Мүслимин Сејјид Һәсән Нәсруллаһ һәзрәтләри даһа сонра исә Ливан Президенти Мишел Сүлејман илә ҝөрүш кечириб.
Ливан Һизбуллаһ Мүгавимәт Тәшкилатынын Баш Катиби илә кечирилән ҝөрүшдә, һәр ики тәрәф Ливан вә әтраф мәнтәгә өлкәләриндә баш верән һадисәләрин һәлли һагда мүхтәлиф фикир мүлаизәләри апарыб.
Даһа сонра Ираг Республикасына сәфәр едән Муһәммәд Ҹавад Зәрифә Ирагын Баш Назири Нури Малики вә Ирагын Хариҹи Ишләр Назири Һушијар Зибари илә ҝөрүш кечириб.
Ираг Республикасынын Баш Назири илә апардығы ҝөрүшдә Ирагын Баш Назири Нури Малики ҹәнаблары Иран Ислам Республикасынын Хариҹи Ишләр Назири Муһәммәд Ҹавад Зәрифә бидириб: “Мәнтәгә өлкәләриндә јашанан бөһран вәзијјәти јалныз Сурија проблеминин һәлл олунмасындан сонра дүзәлә биләр. Бунун үчүн дә һәр бир тәрәф әлиндән ҝәләни әсирҝәмәмәлидир.”
Суријанын јенидән “тәкфирчи” террорчуларын тәлим мәркәзинә чеврилмәмәсини тәкид едән Муһәммәд Ҹавад Зәрифә ҹәнаблары билдириб: “Иран Ислам Республикасы Сурија бөһранынын сүлһамиз јоллар илә һәлл олунмасында мараглыдыр вә бу јолда әлиндән ҝәләни әсирҝәмәјәҹәкдир”.
Даһа сонра Иорданијаја Сәфәр едән Иран Ислам Республикасынын Хариҹи Ишләр Назири Иорданија падшаһы Мәлик Әбдуллаһ илә ҝөрүшүб.
Ҝөрүш заманы Муһәммәд Ҹавад Зәриф, Иран Ислам Республикасынын Президенти Һөҹҹәтүл Ислам вәл Мүслимин Доктор Һәсән Руһанинин исти саламларыны Иорданија падшаһына чатдырыб. Хариҹи Ишләр Назири мәнтәгә өлкәләриндә баш верән проблемләрин һәлли јолунда Иран Ислам Республикасынын Иорданија илә бирликдә һәмкарлыг етмәсинә һазыр олдуғуну билдириб.
Ҹәнаб Зәриф, һәмчинин ҝөрүш заманы Сурија Дөвләтинин вә Сурија Халгынын үзләшдији фаҹиәјә диггәт чәкәрәк билдириб: “Бүтүн өлкәләрин сијаси истәкләри террорчулуғун вә радикалчылығын көкүндән силинмәсинә тәрәф јөнәлмәлидир. Реаллыг радикаллығын јерини мүтләг тез бир заманда әвәз етмәлидир”.
Иорданија падшаһы да өз нөвбәсиндә Сурија мәсәләсинин сијаси јоллар илә һәлл олунуб, бу зәминдә һәр һансы бир мәсәләнин һәлл олунмасынын тәрәфдары олдуғуну билдирәрәк дејиб: “Иорданија, һәр ики өлкә (ИИР вә Иорданија нәзәрдә тутулур) арасында әлагәләрин ҝенишләнмәсинин тәрәфдарыдыр. Буна ҝөрә дә, бу әлагәләр мәнтәгә өлкәләриндәки проблемләрин тезликлә арадан ҝөтүрүлмәсинә ҝәтириб чыхара биләр”.
Даһа сонра Сурија Республикасына сәфәр едән Иран Ислам Республикасынын Хариҹи Ишләр Назири, Суија Президенти Ҹәнаб Бәшшар Әсәд илә сәмими ҝөрүш кечириб.
Ҝөрүш заманы Муһәммәд Ҹавад Зәриф ҹәнаблары, һөрмәтли Бәшшар Әсәд ҹәнабларына Ҹеневрә 2 ҝөрүшүндә газанылаҹаг мүвәффәгијјәтин радикализимә сон гојмасында тәсирли олаҹағына диггәт чәкәрәк билдириб: “Бу ҝөрүш, Сурија бөһранынын һәлл олунмасы үчүн бир фүрсәтдир. Тәбии ки, Сурија бөһраны јалныз реаллыг вә сијаси данышыглар јолу лә өз һәллини тапа биләр”.
Сурија Президенти ҹәнаб Бәшшар Әсәд дә өз нөвбәсиндә Дәмәшг вә Теһран әлагәләринин мүһүм рол ојнадығына тәкид едәрәк, Иран Ислам Республикасындан Сурија Халгына даим көмәклик ҝөстәрдији үчүн өз миннәтдарлығыны билдириб.
Диггәт: Хәбәрдән истифадә етдикдә мәнбәјә истинад лазымдыр
