Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, артыг 4 илә jахындыр ки, Бәһреjндә вәһаби Али Хәлифә падшаһлыг режиминә гаршы сүлһмәрамлы етиразлар давам едир. Ардыҹыл вә давамлы сүрәтдә апарылан етираз аксиjалары өлкәнин бүтүн раjон вә шәһәрләринә, һа белә гәсәбә вә кәндләринә сираjәт едиб. Бүтүн бунлара бахмаjараг Хәлифә падшаһлыг режими Сәуди Әрәбистанындан ҝәтиздирдиjи муздлу әскәрләрин көмәклиjи илә сүлһмәрамлы аксиjалары мүхтәлиф соjуг силаһлар вастәси илә дағытмагда исрарлыдыр.
Белә ки, өтән ҝүн Бәһреjнин Паjтахты Мәнаменин гәрб бөлҝәсиндә кечирилән минтинг, Хәлифә сүлаләсинин ҝүҹ структурлары тәрәфиндән амансызҹасына дағыдылмышдыр. Ҝәрҝин митинг заманы азы ики Ингилабчы, вәһаби ҝүҹ структурлары тәрәфиндән мүхтәлиф дәрәҹәли хәсарәтләр илә jараланмышлар.
Бәһреjн ҝүҹ структурлары өз нөвбәсиндә бу хәбәри тәсдиг етсәләр дә, лакин хәсарәт аланлар һагда гәти һеч бир фикир билдирмәмишләр.
Еjни һалда вәһаби режимин ҝүҹ стурктурлары өлкәнин Шиә Руһаниси олан Һөҹҹәтүл Ислам вәл Мүслимин Сеjjид Мәһмуд Мусәвинин евинә jүрүш чәкәрәк, ону һеч бир сәнәд ҝөстәрмәдән һәбс етмишләр.
Хатырладаг ки, бир нечә ҝүн өнҹә азғын Хәлифә сүлаләси Бәһреjндә даһа бир Шиә Руһанисини һәбс етмишдир. Белә ки, “әл-Һөвзул Ҹаф” һәбсханасына өвлады илә ҝөрүшә ҝәлән Руһани, Һөҹҹәтүл Ислам вәл Мүслимин, Шеjх Муһәммәд әл-Нәсир, зиндан мәмурларынын кобуд тәһгирләрини ҹавабландырдыгдан сонра һәбс едилиб.
Геjд едәк ки, Бәһреjн халгына гаршы олан бу амансызлыг елә бир һалда баш верир ки, бу ҝүнә кими беjнәлхалг тәшкилатлар бүтүн бу һагсызлыглара ҝөз jумараг һеч бир әмәли аддым атмамышлар.
Диггәт: Хәбәрдән истифадә етдикдә мәнбәjә истинад лазымдыр
