Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Халг Ҹәбһәси Партиjасы (АХҸП) Али Мәҹлисинин бу илки илк сессиjасы jанварын 4-дә кечирилди. Сессиjанын ҝүдәлиjиндә дуран мәсәлә 2014-ҹү илдә АХҸП-нин фәалиjjәт планы вә иҹтимаи-сиjаси вәзиjjәт иди.
Ҝүндәлиjин тәсдигиндән сонра АХҸП сәдри Әли Кәримли ҝүндәлкикдә даjанан мәсәләләр барәдә мәрузә етди. АХҸП сәдри өтән илки бәзи өнәмли иҹтимаи-һадисәләрлә бағлы үмуми дәjәрләдирмә апарды, буҝүнкү вәзиjjәти тәһлил етди, һазырланан фәалиjjәт планы вә гаршыда дуран вәзифәләр барәдә фикирләрини ачыглады.
Өтән илин үч ваҹиб һадисәсиндән чыхан вәзифәләр
Әли Кәримли өтән илин сонларында баш верән 3 һадисәjә - баһалашма, Украjнадакы етиразлар вә Гарабағ газиси Заур Һәсәновун өзүнү jандырамасына тохунду, онлары шәрһ едәрәк бу ил үчүн фәалиjjәт планы илә узлашдырды.
Баһалашма
Баһалашманы Илһам Әлиjев һакимиjjәтиин jатытмаз сиjасәти кими тәнгид едән Әли Кәримли, тәәссүфләнди ки, әһалинин чоху һәлә бу просеси дүзҝүн гиjмәтләндирмир вә елә буна ҝөрә дә Милли Шуранын баһалашма әлеjһинә аксиjасында елликлә дәстәк мүшаһидә олунмаjыб: “Митинг тәjин етдик вә бирликдә баһалашмаjа етиразымызы билдирдик. Чох тәәссүф ки, Азәраjҹан халгы бу баһалашманын һансы фәсадлара сәбәб олаҹағынын фәргиндә олмадығына ҝөрә митинги даһа чох сиjаси фәалларын һесабына кечирдик. Ҝөрүнүр, һәлә халгы там инандыра билмәдик ки, бу гиjмәт артымына ҹидди шәкилдә етираз етмәк лазымдыр. Бурдан 2014-ҹү ил үчүн вәзифәмиз чыхыр. Чүнки билирик ки, баш верән баһалашма епизодик деjил, давам едәҹәк просесдир”.
Әли Кәримли билдирди ки, Азәрбаjҹан игтисадиjjатынын там олараг нефтдән асылы олмасына бағлыдыр: “Нефт истеһсалынын ашағы дүшмәси автоматик олараг бүдҹәдә мүәjjән кәсир jарадыб, чүнки боғаздан jухары вәдләр версәләр дә, геjри- нефт сектору инкишаф етдирилмәjиб вә буна ҝөрә дә дөвләтин ҝәлирләри әсасән нефт ҝәлирләри илә бағлыдыр. Игтисадчылар гаршыда нефтин гиjмәтинин дүшмәсини дә прогнозлашдырырлар. Бу исә о демәкдир ки, һәм истеһсалын азалмасы, һәм нефтин уҹузлашмасы даһа ҹидди игтидасди чәтинликләр, онун нәтиҹәси кими сосиал ҝәрҝинлик jарадаҹаг. Демәли, бизим гаршыдакы вәзифәләримиздән бири бунунла мүәjjәнләшир: халгымызын сосиал проблемләринә саһиб чыхмаг, халгымызла бирҝә бу сосиал әдаләтсизлиjә етираз етмәк, һөкумәтин бу сиjасәтин ардыҹыл тәнгид едиб етираз аксиjаларынын башында даjамаг”.
Украjна вә биз
Украjна етиразларыны АХҸП сәдри бәшәриjjәт үчүн мүсбәт нүмунә кими гиjмәтләндирди. О, билдирди ки, сон он илдә украjналылар икинҹи дәфәдир динҹ мүбаризәнин ҝүҹүнү ҝөстәрир: “Баш верәнләр, Украjна халгынын азадлыға, әдаләтә ҹан атмасыдыр. Онларын мүбаризәси халгымызы да руһландырыр. Ҝөстәрир ки, халг әлверишсиз шәраитдә олса да, һәмрәjлик ҝөстәриб һамылыгла мүбаризә апаранда, ҝерчәкдән мәғлубедилмәз олур”.
Әли Кәримли әминлиjини ифадә етди ки, украjналыларын ҝөстәрдиjи динҹ мүбаризәнин уғурлары Азәрбаjҹанда да Авроинтеграсиjа наминә ваҹиб сәфәрбәредиҹи рол оjнаjаҹаг. О, деди ки, тәрәгги, әдаләт олан jерә ҹанатма бәшәриjjәтин тәбиәтиндәдир вә онларын да Авропа Бирлиjинә интеграсиjа истәjи бу әламәтләрә ҝөрәдир, даһа киминсә Азәрбаjҹаны о мәканда ҝөрмәк истәjинә, дәбә ҝөрә jох: “Авропаjа интеграсиjа бизим халгымыза ән jахшы идарәетмәни чатдырмаг арзумузла бағлыдыр. Ән jахшы идарәетмәни бу өлкәләр гура билибләр. Инсана ән jахын оланы, инсанын проблемләринә ән чох гаjғы ҝөстәрәни, инсана хидмәт едәни, әдаләти, гануну, сосиал әдаләтин, базар игтисадиjjатынын ганунларына ән чох әмәл олундуғу мәкан бу ҝүн Авропа Бирлиjидир. Она ҝөрә биз о стандартлары өлкәмизә ҝәтирмәк истәjирик”.
Партиjа сәдри деди ки, 2014-ҹү илдә фәалиjjәтләринин бир ваҹиб истигамәти Авроинтеграсиjа сиjасәтини диггәтдә сахламаг олаҹаг.
Јанан тәкҹә гази деjил
Әли Кәримли нөвбәти мүһүм һадисә кими Гарабағ газиси Заур Һәсәновун интиһары һадисәсиндән данышды: “Заур Һәсәнов дәфәләрлә, иjун аjындан етибарән бәjан едирди ки, jашамаг имканлары түкәниб, өзүнү өлдүрмәкдән башга чарәси галмаjыб. Амма Азәрбаjҹан һакимиjjәти кар олду, кор олду, онун һараjыны ешитмәди, ҝөрмәди...”.
Әли Кәримли вурғулады ки, Гарабағ газиси Һәмкарлар Иттифаглары Конфедерасиjасынын сәдри Сәттар Меһбалыjевин уҹбатындан өзүнү jандырса да, мәсулиjjәти тәкҹә Меһбалыjев дашымыр: “Сәттар Меһбалыjев буна ҝөрә әлбәттә ки, мүтләг ҹаваб вермәлидир. Амма тәкҹә о jох. Заур Һәсәновла бағлы әдаләтсиз мәһкәмә гәрарлары чыхаран һакимләр дә, Гурана анд ичиб бүтүн вәтәндашларын президенти олаҹағына сөз верән Илһам Әлиjев дә мәсулиjjәт дашыjыр”.
Өлкәдә сосиал-игтисади вәзиjjәтин ағырлығына ҝөрә Заур Һәсәнов кими jашамаг имканлары түкәнән, интиһар һәддинә чатан хеjли инсанын олдуғуна диггәт чәкән Әли Кәримли “Башладығымыз бу илдә халгымызын сосиал проблемләринә саһиб чыхмаг, азтәминатлы аиләләрин, Гарабағ газиләринин, ишсизләрин проблемләрини вахташыры галдырмаг, онларын һәлли үчүн програмлар, тәклифләр һазырламаг, онлары актуал проблем кими һөкумәтин гаршысында галдырмаг вәзифәмиз олаҹаг” сөjләди.
Милли Шура
АХҸП сәдри сонра Милли Шурада jашанан сон просесләрлә бағлы фикирләрини бөлүшдү: “Өтән ил баш верән даһа бир һадисә халгын ҝәләҹәjә үмидләрини артыран Милли Шурада мүәjjән сөз-сөһбәтләрин jаранмасы олду. Чох тәәссүф ки, бәзи достларымыз Милли Шуранын талеjи илә бағлы суал jаранмасына сәбәб олан аддымлар атдылар. Милли Шура jаранан кими һакимиjjәтин әсас һәдәфинә чеврилди. Чүнки һакимиjjәт Милли Шурада онун һеҝамонлуғуна сон гоjаҹаг гүввәни, халгы сәфәрбәр едәҹәк ҝүҹү ҝөрдү. Инди үрәк ағрыдыҹыдыр ки, мүхалифәт дахилиндән дә Милли Шураны ҝөздән салан аддымлар атылыр. Кимләрәсә хош ҝәлмәсә дә, ҹәбһәчиләр Милли Шураны мүдафиә едир вә бундан сонра да мүдафиә едәҹәк.
Мәҝәр, Милли Шура jарананда биз һамымыз бир jердә демәдикми ки, бу, халгымызын мәнафеjинә уjғундур. Мәҝәр бир jердә бәjан етмәдикми ки, Милли Шура 2013-дә геjри-бәарабәр шәраитдә Илһам Әлиjев үзәриндә мәнәви гәләбә газанды. Инди нә баш верди ки, Милли Шуарны мүдафиә едирик деjә, бизә тәкәшшүр әвәзинә гынаг вә иттиһам сәсләндирирләр?
Милли Шураны горуjуб-сахламаг гаршыдакы дөврдә дә әсас приоритетимиз олмалыдыр. Биз икитәрәфли ҝөрүшүмүздә Мүсават рәһбәрлиjинин дә нәзәринә чатдырдыг ки, һәр һансы алтернатив ахтарышыны тәгдир етмирик, Милли Шура форматында бирлиjә исрарлыjыг вә Мүсаватын да бу бирликдә галмасыны истәjирик”.
Халгда инам
Даһа сонра Әли Кәримли Мәҹлисә тәгдим едилән “Фәалиjjәт планы” лаjиһәси барәдә фикир вә тәклифләрини ачыглады. О билдирди ки, 204-ҹү ил үчүн дә партиjанын стратежи һәдәфи дәjишмәjиб – бу, режим дәjишиклиjидир. Өлкәдә көклү дәjишиклиjин олмасы үчүн исә партиjанын ҝөрәҹәjи конкрет ишләр вар вә бунлар фәалиjjәт планында әкс олунмалыдыр.
Әли Кәримли бу сырада илк олараг, халгын көклү дәjишикликләрә - режим дәjишиклиjинә инамыны jаратмағы ҝөстәрди. Буна наил олмаг үчүнсә о, мүхалифәтин бөjүк бирлиjинин горунуб сахланмасыны ваҹиб вәзифә саjыды.
Бәләдиjjә сечкиләри
АХҸП сәдри бу илки бәләдиjjә сечкиләриндә иштирака гәрар верәҹәкләри тәгдирдә, просесә мүтәшәккүл гаjдада гошулмағы да фәалиjjәт планларынын тәркиб һиссәси кими вурғулады.
Авропа Бирлиjинин 2015-ҹи илдә Ригада кечириләҹәк “Шәрг тәрәрфдашлығы” саммитиндә Азәрбаjҹанын мәсәләсинин мүсбәт һәлл олунмасы үчүн бу ил ҹидди фәалиjjәт ҝөстәрилмәсини дә АХҸП сәдри приоритет елан етди.
***
Әли Кәримлинин фикиринҹә бу илки фәалиjjәтдә бу ишләр дә мүтләг әсас ҝөтүрүлмәлидир:
- Сечки комиссиjаларынын jенидән тәшкили дә дахил олмагла, сечки ислаһатына наил олмаг;
- Өлкәдә президент вә парламент сечкиләринин сахталашдырылдығыны вә нөвбәдәнкәнар сечки тәләбини ҝүндәмдә сахламаг;
- Һакимиjjәтин jарытмаз идарәетмәсини, иримигjаслы коррупсиjа әмәлләрини ардыҹыл олараг ифша едиб, проблемләрин һәлли jоллары илә бағлы алтернатив тәклиф вә програмлары ҹәмиjjәтә тәгдим етмәк;
- Маашларын, тәгаүдләрин, мүавинәтләрин азлығыны, диҝәр сосиал пробләмләри вә ҹәмиjjәтдәки сәрт тәбәгәләшмәни диггәтдә сахламаг, һүгуглары уғрунда мүбаризә апаран бүтүн тәбәгәләрә дәстәк вермәк;
- Сиjаси мәһбусларын һүгугларынын даһа сәмәрәли мүдафиәсини тәшкил етмәк.
Ҝәнҹләршмә вә ханымлар
Партиjа ҝүҹүнүн артырылмасы истигамәтиндә чыхышында Әли Кәримли тәнгиди данышды. Бәзи шөбәләри ҝүнүн вә низамнамәнин тәләбләри илә уjғунлашмаjан фәалиjjәтә ҝөрә гынады. О, бүтүн бөлҝә вә струтуктурлар үзрә ҝәнҹләшмә сиjасәти апарылмасына чағырыш етди. Бундан башга о, бүтүн шөбәләрдә “Гадынлар шурасы”нын jарадылмасыны төвсиjjә етди. АХҸП сәдри билдириди ки, ханымларын тәшкилатда варлығы, шуранын jарадылмасы ҝөрүнтү наминә jох, саһиб чыхдыглары дүнjа ҝөрүшүнүн тәләби кими гәбул едилиб, бу истигамәтдә ишләнилмәлидир.
***
АХҸП сәдринин мәрузәсиндән сонра мүзакирәләр башлады. Мәҹлис үзвләриндән АХҸП сәдринин мүавинләри Фуад Гәһрәманлы, Әбүлфәз Гурбанлы, Рәjасәт Һеjәтинин үзвләри Ирадә Әлиjева, Сеjмур Һәзи, АХҸП Ҹәлиллабад Шөбәсинин сәдри Тәзахан Мирәләмли, Али Мәҹлис үзвләри Шакир Аббасов (Хәзәр), Ши
