Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа хәбәр аҝентликләри билдириб: “Ливаул Әбабил jараглы дәстәнин командири вә гондарма “Азад Суриjа Ордусу” (АСО) адлы террорчу груплашманын үзвү, Ираг вә Шам Ислам Дөвләти (ИШИД) адлы адамjеjән сәләфи үнсүрләри тәрәфиндән jахаланараг едам едилиб”.
Диҝәр тәрәфдән террорчу груплашмаларын хәбәр порталлары, “ИШИД” илә “АСО” арасинда ҝизли данышыгларын апарылдығыны ифша едиб: “Түркиjә дөвләтинин васитәчилики илә, “Азад Суриjа Ордусу” (АСО) груплашмасы илә, “Ираг вә Шам Ислам Дөвләти” арасында ҝизли данышыглар апарылыб. Лакин “ИШИД” груплашмасы әлә кечиртдиjи “АСО”-jа аид силаһ анбарларынын ҝериjә гаjтарылмасы илә разылашмадығы сәбәбиндән данышыглар ифласа уғраjыб. Бу сәбәбдән дә, һәр ики груплашма арасында jенидән силаһлы гаршыдурмаларын jаранмасы еһтимал верилир. Хүсуси илә дә, “АСО” үзвүнүн “ИШИД” тәрәфиндн едам едилмәси, бөһраны пик һәддә чатдырыр”.
Террорчу груплашмаларын хәбәр порталлары һәмчинин билдириб: “Суриjа Милли Коалисиjасы, jашана биләҹәк бөһран вәзиjjәтини сакитләшдирмәкә чалышыр. Лакин “Азад Суриjа Ордусу” командирләриндән олан Әсәд Мустәфа, ИШИД груплашмасынын сон аддымыны хәjанәт һесаб едәрәк, бу ишдән тәсүфләндиjини билдириб”.
Диггәт: Хәбәрдән истифадә етдикдә мәнбәjә истинад лазымдыр
