Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасы Бакы Ағыр Ҹинаjәтләр Мәһкәмәсиндә диндарлара гаршы чыхарылан әдаләтсиз һөкмлә бағлы бәjанат jаjыб.
Бәjанатда деjилир ки, дүнән, декабр аjынын 9-да гәлби Вәтән, халг, торпаг, Аллаһ севҝиси илә дөjүнән, өлкәдә мәнәви мүһитин, ҹәмиjjәтдә милли-мәнәви дәjәрләрин, халгын ментал хүсусиjjәтләринин горунмасы вә тәблиғинә сәj ҝөстәрән, бу аддымлара гаршы чеврилән һәр һансы бир мәнфи гүввәнин тәһдидинә гаршы етираза һазыр олан вә синә ҝәрән даһа он нәфәр ҝәнҹ, Елмхан Һүсеjнов, Ниҹат Әлиjев, Ҹеjһун Сәфәрли вә башгалары Республика Ағыр Ҹинаjәтләр Мәһкәмәси тәрәфиндән 7-10 ил мүддәтинә азадлыгдан мәһруметмә ҹәзасына мәһкум едилдиләр.
Онлар садәҹә Азәрбаjҹанын сағлам ҝәнҹлиjинә мәнәви ашынма ҝәтирән вә дүнjанын бир сыра дөвләтләринин, гәрб халгларынын гәбул етдикләри мәнәви-психоложи-ҝенетик хәстәләрин, онларын икраһ доғуран давранышларынын-ҝеjпарадларын шаһиди олмамаг кими истәкләрини ачыг етираф етдикләринә вә етираз әламәти олараг анти-тәблиғат апардыгларына ҝөрә ҹәзаландырылдылар.
Авровизион тәшкилатчыларынын бу маһны мүсабигәсинин уғурсузлуғунун вә бу уғурсузлуғун онларын дүнjада имиҹинә ҝәтирдиjи “хәтәрин” сығортасы олараг белә ачыгфикирли, сағлам мәнәвиjjатлы ҝәнҹләрин һәрәкәтини бәһанә ҝәтирмәкдән чәкинмәмәләри, онлар барәдә тамамилә геjри-адекват ҹәза тәдбирләри сечмәләри мәһз беjнәлхалг аләмдә, хүсусән дә мүсәлман дүнjасында демократиjаjа, азад фикрә вә дүшүнҹәjә, Ислам дәjәрләринә зидд аддым кими гиjмәтләндирилмәли, өлкәмиздә әгидәли инсанларын сечим етмәсинә jол верилмәмәси кими баша дүшүлмәлидир.
Биз һесаб едирик ки, өлкәдә нәинки он вә jүз минләрин, милjонларын, бир груп инсанын белә мәнән гәбул едә билмәдиjи һәр һансы тәдбирин баjкот едилмәси илә һәтта беjнәлхалг статуса малик лаjиһәләр тәнәззүлә, уғурсузлуға дүчар олурса, демәли, тәшкилатчылар бу барәдә, хүсусән Азәрбаjҹан ҝәнҹлиjинин бүтүн сфераларыны, тәбәгәләрини дүшүнмәли, өлкә вәтәндашларынын мәнәви мүһит сәрһәдләрини ашмамалы, онларын тәләб вә истәкләри илә дә һесаблашмалыдырлар. Чүнки халгын бу вә jа диҝәр тәбәгәсинә сечим шәраитинин jарадылмамасы, әксинә олараг гаршысынын алынмасы үмумилли мараглара зиддир, халгын өзүнүтәсдигинә ағыр зәрбәдир.
АИП олараг баш верән әдаләтсизлиjи иттиһам едир, вә арадан галдырылмасыны, белә мәнәви сағлам ҝәнҹләрин азадлыгларына, азад фикир вә дүшүнҹәләринә гәрәзлә деjил, һөрмәтлә jанашараг һагларында сахта һөкмүн ләғв едилмәсини тәләб едирик.
Диггәт: Хәбәрдән истифадә етдикдә мәнбәjә истинад лазымдыр
