Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакыда Нефт Дашлары Мәсҹиди, Јасамал Раjон Мумәммәд Пеjғәмбәр адына Мәсҹидин әлиjевләр режими тәрәфиндән виран едилдикдән сонра Лерик раjонунун Пештәтүк кәнд сакинләри өз шәхси һесабларына тикдикләри Мәсҹид Лерик раjон иҹра башчысы Рөвшән Бағыровун сәрәнҹамы илә виран едилир.
Пештәтүк кәнд сакинләри раjон иҹра башчысынын сәрәнҹамы илә Мәсҹидин сөкүлмәсинә етиразларыны билдирирләр.
Кәнс сакинләри адындан “Гафгазинфо”jа ҝөндәрилән шикаjәт мәктубунда геjд олунур ки, Пештәтүк кәндиндә узун илләрдир Мәсҹидин олмамасыны нәзәрә алан сакинләр үч ил әввәл өз һесабларына кәнд бәләдиjjәсиндән торпаг саһәси алыблар:
“Кәнд ағсаггаллары үч ил бундан габаг Пештәтүкдә һәм кәнд сакинләринин, һәм дә турист гисминдә бураjа ахышыб, ҝәлән мүсәлманларын ибадәт етмәләри үчүн кәндин мәркәзиндә, һеч кимә мане олмаjан бир jердә Мәсҹид тикмәк гәрарына ҝәлдиләр.Бу мәгсәдлә әлагәдар сакинләр кәнд бәләдиjjәсиндән мүвафиг торпаг саһәси алмыш вә тикинтинин башланмасы үчүн бир нечә дәфә Лерик раjон Иҹра Һакимиjjәтинә мүраҹиәт едибләр. Лакин, бу мүраҹиәтләрдән хеjли мүддәт кечмәсинә бахмаjараг, Лерик раjон ИҺ мәсҹидин тикинтисинә иҹазә илә бағлы Азәрбаjҹан Республикасы Дини Ишләр үзрә Дөвләт Комитәсинә мүраҹиәт етмәjәрәк, кәнд сакинләринин гануни истәкләринин реаллашмасына көмәк етмәк әвәзинә билә-билә манеәләр төрәдиб.
Белә ки, Пештәтүк кәнд әһалиси шәхси вәсаитләри һесабына 3 ил бундан әввәл алдыглары хеjли мигдарда тикинти матералларынын jағыш вә гар алтында хараб олдуғуна ҝөрә, онлар бәләдиjjәдән алдыглары jертдә Мәсҹидин тикинтисинә башламаг мәҹбуриjjәтиндә галыблар”.
Сакинләр билдирирләр ки, Лерик раjон ИҺ башчысы Рөвшән Бағыров Мәсҹидин тикинтисинин баша чатмасына аз галмыш онун сөкүлмәсинә әмр вериб. Пештәтүк кәнд сакинләри исә Мәсҹидин сөкүлмәмәси хаһиши илә Лерик раjон ИҺ башчысы Р. Бағыровун гәбулунда олсалар да, о, фикриндән дөнмәjиб вә гәти сурәтдә тикилинин сөкүлмәсинә сәрәнҹам вериб.
Һазырда Пештәтүк кәнд сакинләри дини өзүнү ифадә илә бағлы Конститусиjасында тәсбит олунмуш вәтәндаш һүгугларынын позулмасына ҝөрә чох нараһатдырлар.
Диггәт: Хәбәрдән истифадә етдикдә мәнбәjә истинад лазымдыр
