Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ниҝериjа Һәрби Гүввәләри билдириш jаjымлаjараг елан едиб: “Ниҝериjанын мәркәзиндә jерләшән Фәлат әjаләтинин дөрд кәнди ҝеҹә jарысы намәлум силаһлы шәхсләрин һүҹумуна мәруз галыб. Һадисә заманы силаһлылар 37 әкинчини гәтлә jетирибләр. Бәзиләринин ҝүманына ҝөрә баш верән ганлы һадисә кәндә jашаjан христиан әкинчиләр илә Мүсәлман фермерләр арасындакы ихтилафлы торпаг мәсәләсинә аид едилир”.
Ниҝериjа Һәрби Гүввәләрин Хүсуси Әмәлиjjат Дәстәсинин рәсми сөзчүсү Капитан Салису Мустәфа бу һагда ачыглама верәрәк билдириб: “Өтән ҝүн Ниҝериjа Һәрби Гүввәләри “Баркин Лиди” мәнтәгәсиндә 37 инсан ҹәсәди ашкарлаjыб”.
Геjд едәк ки, Ниҝериjа христиан ҹаванлары иҹмасынын сәдри Рәванҝ Данҝетун һеч бир әсас олмадан “Фулани” адлы Мүсәлман фермерләрини һадисә илә бағл иттиһам едәрәк, онлары тәгсиркар билиб. Лакин Ниҝериjа “Аллаһ Мити” Фермер Иттифагы исә өз нөвбәсиндә бу әсассыз иддианы jалан адландырараг рәдд едиб.
Хатырладаг ки, бир мүддәт бундан өнҹә Ниҝериjанын мәркәзиндә jерләшән Фәлат әjаләтинин “Фулани” адлы Мүсәлман фермерләрини малгараларынын бир мигдары намәлум шәхсләр тәрәфиндән оғурланмыш вә бир мигдары исә тәләф едилмишдир.
Диггәт: Хәбәрдән истифадә етдикдә мәнбәjә истинад лазымдыр
