Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назирлиjинин сөзчүсү ханым Мәрзиjә Әфхәм, Бирләшмиш Милләтләр Тәшкилатынын Үмуми Ассамблеjансынын Үчүнҹү Комитәсиндә кечирилән иҹласда инсан һаглары тәшкилатынын Иран Ислам Республикасына гаршы чыхартдығы гәтнамәни кәскин сүрәтдә мәһкум едәрәк билдириб: “Гәтнамәнин обjектив сүрәтиндә хеjли һәгигәтдән узаг мәгамлар вардыр ки, бүтөвликдә һаммысынын мәнбәләри гәтнамәни чыхаран гәрб дөвләтләри вә jа террор груплары тәрәфиндән малиjjәләшир”.
Ханым Мәрзиjә Әфхәм даһа сонра ачыг билдириб: “Тәсүфлә геjд етмәлиjик ки, бүтүн илләрдә олдуғу кими, бу илдә, башда Канада дөвләти олмагла мүхтәлиф гәрб өлкәләри сиjаси һәдәфләринә чатмаг мәгсәди илә “инсан һаггларыны позмаг” бәһанәсилә Бирләшмиш Милләтләр Тәшкилатында өлкәмиз әлеjһинә гәтнамәнин чыхарылмасы тәклифини ирәли сүрүбләр.”
О даһа сонра чыхышына давам едәрәк билдириб: “Сөзү ҝедән гәтнамәдә Иран Ислам Республикасында ҹари илдә баш верән сон дәjишиликләрә о ҹүмләдән 11-ҹи Президент сечкиләринә, һәмчинин “Тәдбир вә Үмид Дөвләти”нин ҝөрдүjү бәзи ишләрә гысаҹа ишарә олунса да, лакин обjектив олараг гәтнамәнин дахилиндә хеjли саjда һәгигәтдән узаг зикр олунан мәгамлар вардыр ки, бүтүн бу хәбәрләрин мәнбәси дә һәмин гәрб дөвләтләринә jахуд да ки, Иран Ислам Республикасынын дахилиндә jүзләрлә террор һадисәләри төрәдән груплашмалара аид ресурслара аиддир”.
Хариҹи Ишләр Назирлиjинин сөзчүсү даһа сонра деjиб: “Иран Ислам Республикасы инсан һаггларындан һәр нөв сиjаси вә һәр һансы суи-истифадә едәрәк Мүстәгил Дөвләтләрә тәзjиг ҝөстәрмәjин әлеjһинәдир вә бу иши кәскин сүрәтдә мәһкум едир. Һәмчинин Ислам Республикасы БМТ инсан һагларынын механизиминин артыг авропа өлкәләри әлиндә сиjаси аләтә чеврилдиjи үчүн тәсүфләнир һа белә гәтнамәнин дахилиндәкиләрини бир мәналы олараг рәдд едир”.
Ханым Мәрзиjә Әфхәми даһа сонра бәднам гәтнамәнин һаггында сон нәзәрини билдирәрәк деjиб: “Гәтнамәни тәнзим едән өлкәләр Иран Ислам Республикасындакы инсан һаглары барәдә шиширтмәләрә jол верәрәк, һәгигәти гараламаға сәj ҝөстәрибләр. Онлар нә инки өз өлкәләриндәки инсан һагларынын бәрбад ҝүнүнә ҝөз jумублар, һәтта вәтәндашларынын паjмал етдикләри һүгуглары гаршысында ҹавабдеһ олмаға белә ҹүрәт етмирләр. Онлар jахын кечмишдә, һәтта индики дөврдә белә өз өлкәлриндә дәһшәтли сүрәтдә jүзләрлә инсан һагларынын позунтусу геjдә алыб говлуглара слыблар”.
Диггәт: Хәбәрдән истифадә етдикдә мәнбәjә истинад лазымдыр
