Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjанын “әл-Гәләмун” мәнтәгәсиндә jерләшән хариҹи, дүшмән дөвләтләр тәрәфиндән малиjjәләшән террорчу груплара аид базасында гәрарлашмыш әл-Нүсрә террор груплашмасынын Әбу Раид адлы лидери бәjанат jаjымлаjыб.
Сәләфи jөнлү террор груплашмасынын башчысы билдириб: “Һомс вә Дәмәшг беjнәлхалг магистирал jолу Нүсрә ҹәбһәсинин һәдәфиндәдир. Биз һәр ан истәдиjимиз заман бу мәнтәгәдә ҝедиш вә ҝәлиши даjандырараг проблем jарада биләрик”.
Азғын jараглы груплашманын лидери даһа сонра Һизбуллаһ Мүгавимәт Тәшкилатыны һүҹумла һәдәлиjәрәк иддиа едиб: “әл-Гәмун дағлары архасында Ливан сәрһәдләри jерләшир. Әҝәр ирадә етсәк, ора да һүҹум едәрик”.
О, даһа сонра ҹәфәнҝиjатларына давам едәрәк билдириб: “Әҝәр дөjүш башлаjарса, ҝөзләнилмәjән фәлакәтләр баш верәҹәк. Әҝәр бизи (ҝери чәкилмәjә) мәҹбур едәрләрсә, Һизбуллаһ илә мүһарибә етмәк үчүн Ливан торпагларына дахил олаҹағыг. Анҹаг ҝүман етмирәм ки, онлар (Суриjа Милли Ордусу) бу маҹәраjа дахил олсунлар”.
Кечмиш дөjүшләрин һаммысында Суриjа Милли Ордусуна ардыҹыл удузараг беjни гызмыш командир даһа сонра деjиб: “әл-Гәмун мәнтәгәси, диҝәр мәнтәгәләрдән фәрглидир. Өтән дөjүшләрдә баш верән һадисәләр бу мүһарибәдә тәкрарланмаjаҹаг. Ливан Һизбуллаһ Тәшкилаты, Суриjа Милли Ордусунун көмәклиjи вә һәмчинин чохлу хәрҹләр сәрф етмәклә әл-Гәсир мәнтәгәсиндә гәләбә газана билди”.
Диггәт: Хәбәрдән истифадә етдикдә мәнбәjә истинад лазымдыр
