Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн, 19 ноjабр, 2013 тарих, Ливанын Паjтахты Беjрутда jерли вахтла сәһәр 10:00 радәләриндә, сионист реjиминә бағлы ики үздәнираг үнсүр тәрәфиндән бири идарә етдиjи моторсиклети, диҝәри исә 100 кг партлаjыҹы маддәләрлә jүкләнмиш машыны партладараг бир даһа Ливанда мәзһәбләрарасы савашын аловланмасына сәj ҝөстәрибләр.
Беjрутун ҹәнубундакы Биру Һәсән - әл-Ҹәнаһ мәнтәгәсиндә jерләшән Иран Ислам Республикасынын сәфирлиjи jахынлығында баш верән террор актында Шәһид оланларын саjы 23, jаралананларын саjы исә 150 нәфәр олдуғу билдирилир.
Мәлумата әсасән баш верән һадисәнин һәҹми о гәдәр бөjүк олуб ки, әтраф мәнтәгәдә jерләшән мүлкү аваданлыглара бөjүк мадди зәрәрләр дәjиб.
Геjд едәк ки, террор акты заманы мүхтәлиф дәрәҹәли бәдән хәсарәтләри илә хәстәханаjа jерләшдирилән jаралылар арасында, дурумлары хеjли пис олан jаралылар да вардыр ки, бу да өз нөвбәсиндә Шәһид оланларын саjынын чохалма еһтималыны ҝүҹләндирир.
Диггәт: Хәбәрдән истифадә етдикдә мәнбәjә истинад лазымдыр
