Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Президент сечкисиндән әввәл “Амнестj Интернатионал” “Азәрбаjҹанда азадлыгларын боғулмасы давам едир” адлы һесабат jаjды. Һесабатда өлкәдә ифадә азадлығынын боғулмасы, сиjаси мотивли тәгибләр вә һәбсләрдән бәһс олунурду. Сон илләрдә Азәрбаjҹанда jазылмамыш гаjда вар ки, Илһам Әлиjев барәдә jа jахшы данышмалысан, jа да үмумиjjәтлә, данышмамалысан.
Реаллыг будур ки, бүтүн демократик дөвләтләр Азәрбаjҹанда баш верәнләрә ҝөз jумурлар.
Оғул Әлиjев сиjаси рәгибләри тәгиб етмәк, тәзjигләрә мәруз гоjмаг вәрдишини кечмиш КГБ ҝенералы олан атасындан өjрәниб. Бу мәсәләдә Һеjдәр Әлиjев дә орижинал адам деjилди. Өзбәкистанда Ислам Кәримов, Түркмәнистанда Сапармурад Ниjазов, Беларусда Александр Лукашенко да советдән галма үсулларла сиjаси мүхалифәтин фәалиjjәтини вә фәргли фикирлилиjи боғурду.
Тәәҹҹүблү деjил ки, ССРИ дағыландан бәри өтән иjирми илдән артыг мүддәтдә бу өлкәләрдә авторитар режимләрә мүгавимәт ҝөстәрә билмәси үчүн мүхалифәтин инкишафына имкан верилмәjиб.
P.S: Геjд етмәлиjик ки, Азәрбаjҹанда сүлаләнин хеjринә jазылмамыш бүтүн бу гаjдалара бахмаjараг, Доктор Мөвсүм Сәмәдов ҹәнаблары 2011-ҹи илин jанвар аjынын икисиндә, Азәрбаjҹан Ислам Партиjасынын Баш Мәҹлисиндә тарихи чыхышыны едәрәк “сүлалә мифи”ни дармадағын етди.
Диггәт: Хәбәрдән истифадә етдикдә мәнбәjә истинад лазымдыр
