Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Маһи Муһәррәм дахил олмагла jанашы шәрги Американын минләрлә вәтәндашы Нjу Јоркун Манһеттен мәнтәгәсиндә, Саларе Шәһидан, Әба Әбдиллаһи Һүсеjнә (әлеjһис сәлам) әза сахлаjырлар.
Иран Ислам Республикасы, Ираг, Пакистан, Әфганыстан, Таҹикистан вә саир орта асиjа республикалардан бураjа ҝәлмиш Шиәләр дәстә формасында синәләринә дөjәрәк Манһеттендә Имам Һүсеjнә (әлеjһис сәлам) ноһә деjәрәк әзадарлыг едибләр.
Һаванын соjуг вә jағмурлу олмасына бахмаjараг Әһли Беjт (әлеjһимус сәлам) ашигләри мәрасими хүсуси геjдлә тәшкил едибләр. Кечән илләрдә олдуғу кими ҹари илдә дә, ҹаванлар Кәрбәла вагеәси һагда брушурлар паjлаjараг геjри-Мүсәлман вә геjри-Шиәләри Имам Һүсеjнин (әлеjһис сәлам) гиjамынын фәлсәфәси илә ашна едибләр.
Иран Ислам Республикасынын Бирләшмиш Милләтләр Тәшкилатында jеләшән Мәдәниjjәт Мәркәзи, инҝилис дилиндә чап етдиjи “Онунҹу Ҝүн” адлы китабы Тәшкилатын үзвләринә чатдырыб.
Геjд едәк ки, Манһеттен Нjу Јоркун мәдәниjjәт вә тиҹарәт мәркәзи саjылыр. Бурада бир чох мәшһур музеjләр, университетләр вә туризм зоналары вар. Бундан әлавә Бирләшмиш Милләтләр Тәшкилатынын баш гәрарҝаһы да Манһеттендә jерләшир. Нjу Јорк биржасы вә НАСДАГ мәһз бурададыр.
Диггәт: Хәбәрдән истифадә етдикдә мәнбәjә истинад лазымдыр
