Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ираг Дахили Ишләр Назирлиjиндә ишләнjән 35 мәсул шәхс, өлкәнин Баш Назири Нури Малики ҹәнабларынын Һөкүмәти әлеjһинә чеврилишә ҹәһд етмәк иттиһамы илә һәбс олунублар.
Назирликдә ишләjән, лакин адынын ачыгланмасыны истәмәjән ресурс билдириб ки, геjд олунан мүттәһимләри тутмаг үчүн үч ҝүн вахт сәрф едилиб. Еjни заманда мәнбә билдириб ки, бу әмәлиjjат бир баша Нури Малики ҹәнабларынын нәзарәти алтында олан террора гаршы хүсуси тәjинатлы груп тәрәфиндән һәjата кечирилиб.
Мәлумата әсасән, мүттәһимләр бир чох ҹинаjәт актларында, о ҹүмләдән партиjаларла сиjаси әлагәләр jарадмагда, сахта паспорт дүзәлтмәкдә вә азғын “Бәс” партиjасы илә рабитә сахламагда иттиһам олунурлар. Һазырда онларын истинтагы там ҝизли сүрәтдә апарылыр.
Адынын ачыгланмасыны истәмәjән ресуср, һәбс олунмуш мүттәһимләрин азғын “Бәс” партиjасыны jенидән бәрпа етмәк мәгсәди илә jарадылмыш “әл-Овдә” (гаjыдыш) партыjасы илә сых әмәкдашлыг етдикләрини билдириб.
Геjд едәк ки, Ираг Милли Ордусунун өлкәнин гәрб наһиjjәсиндә апардығы анти-террор әмәлиjjатларында 81 террорчунун һәбс едилдиjи хәбәри jаjымланыб.
Суриjа телевизиjасынын билдирдиjи мәлуматда, һәбс олунан jараглылардан 6 нәфәри, беjнәлхалг террор тәшкилаты олан әл-Гаидә груплашмасынын ганады саjылан гондарма “Ираг вә Шам Ислам Дөвләти” адлы террор тәшкилатынын азғын үнсүрләридир.
Һәмчинин геjд едилмәлидир ки, Ираг Милли Ордусу Сәлаһид Дин әjаләтиндә апардығы анти-террор әмәлиjjатлары заманы әл-Гаидә jараглыларынын командирини jахалаjараг һәбс едиб.
Диггәт: Хәбәрдән истифадә етдикдә мәнбәjә истинад лазымдыр
