Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн саат 10:30-да Бакы Ағыр Ҹинаjәтләр Мәһкәмәсиндә "Азадхебер.нет" саjтынын баш редактору, Исламчы журналист Ниҹат Әлиjев вә онунла бирликдә ШӘРЛӘНӘН диндарлар Нәсиров Елвин, Ҹамалов Горхмаз, Һүсеjнов Елимхан, Һүсеjнов Самир, Тофигли Емин, Мәммәдов Сәфәр вә Әлиjев Әлинин нөвбәти мәһкәмә иҹласы кечирилиб.
Мәһкәмә иҹласында jалнызҹа Ҹамалов Горхмазын вәкили мүдафиә тәрәфи олараг чыхыш едиб.
Вәкил чыхышында геjд едиб ки, “Дөвләт иттиһамчысынын чыхышы сиjаси сифаришли вә гәрәзли иди. Әҝәр Дөвләт итииһамчысынын истәдиjи һәбс ҹәзаларыны бурада сахланыланлара шамил етсәниз өлкәдә 10 нәфәр сиjаси мәһбус саjы артаҹаг. Бу Азәрбаjҹан Республикасынын дөвләтчилик принсипләринә башуҹалығы ҝәтирмәjәҹәк. Кечирилән мәһкәмә иҹласларында Дини Гурумларла Иш үзрә Дөвләт Комитәсинин нүмаjәндәси чыхыш етди. О өз саһәсинә аид олмаjан лингивистиклик (Дилчилик елминин беjнәлмиләл ады лингивистик) саһәси барәдә рәj вериб. Бу геjри-ганунидир. Горхмазын паjладығы дискләрдә һеч бир дини-аjры сечкилиjә jөнәлән чағырыш jохдур. О дискләрдә чыхышлар вар. О чыхышлары едәнләр өлкәнин танынмыш, зиjалы инсанларыдыр. Амма онлардан һеч бири бу иш үчүн истинтага дәвәт олунмаjыб. Дәвәт олунсалар белә онларын чыхышларында һеч бир проблем jохдур. Чүнки онлар өз констисjон һүгугларындан истифадә едибләр. Онлар өз сөзләрини ифадә едибләр. Һакимиjjәти тәнгид етмәк ганунсуз бир әмәл деjил. Дедиjим кими о шәхсләрин чыхышлары олан дискләри паjлаjан Ҹамалов Горхмазда ҹинаjәт әмәли төрәтмәjиб. Азәрбаjҹан Республикасынын беjнәлхалг тәшкилатлар, БМТ, Авропа Бирлиjи вә диҝәр гурумлар гаршысында ҝөтүрдүjү өһдәликләр вар. О өһдәликләрдән бири дә ифадә азадлығыны тәмин етмәкдир. Амма бу ҝүн ифадә азадлығындан истифадә едән Горхмаз горунмаг әвәзинә һәбс олунуб вә барәсиндә ағыр ҹәза истәнилиб. Мән мәһкәмә һеjәтиндән Ҹамалов Горхмаз барәдә бәраәт һөкмүнүн чыхарылмасыны истәjирәм. Азәрбаjҹанда jени виҹдан мәһбусу сиjаһысы jаратмаг дөвләтә һеч бир хеjир ҝәтирмәjәҹәк. Бу һаллар Азәрбаjҹан Республикасынын мәнафеjинә зиддир.”
Һаким Зеjнал Ағаjев Ҹамалов Горхмазын вәкилиндән сонра чыхышы диҝәр вәкилләрә вериб. Диҝәр вәкилләр исә чыхыш үчүн һазыр олмадыгларыны билдирибләр.
Нөвбәти мәһкәмә иҹласы ноjабр аjынын 13-ә тәjин олунуб.
Хатырладаг ки, Исламчы журналист Ниҹат Әлиjев Бәднам “евровисион” фәсад мүсабигәсинин гурбанларындан бири кими геjдә алыныб. Лакин кечән мәһкәмә иҹласында мөвҹуд әлиjевләр режими там гондарма ҹинаjәтләр илә Исламчы журналист Ниҹат Әлиjев, диндарлар Елвин Нәсиров вә Ҹеjһун Сәфәрлиjә 10 ил, диндарлар Горхмаз Ҹамалов, Самин Һүсеjнов вә Валеһ Абдуллаjевә 9 ил, диндар Әлимхан Һүсеjнова 7 ил, диндарлар Емин Тофигли вә Әли Әлиjевә 6 ил, диндар Сәфәр Мәммәдова исә 5 ил һәбс ҹәзасынын верилмәсини истәjиб.
Диггәт: Хәбәрдән истифадә етдикдә мәнбәjә истинад лазымдыр
