Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Алманиjа Кәшфиjjат Назирлиjинин әмәкдашлары билдирибләр ки, бу өлкәдән Суриjаjа мүһарибә етмәк үчүн 210 нәфәрдән артыг террорчу jолланыб.
Билдирәк ки, геjд олунан бу рәгәмләр Алманиjа Һөкүмәтинин Ганун Алилиjиндән Һимаjәт Комитәси тәрәфиндән өз тәсдигини тапыб.
Комитә һеjәтинин сәдри “Һанс Ҝероҝ Масн”нын билдирдиjинә ҝөрә, алманиjалы террорчуларын әксәриjjәтини ҹаванлар вә онларын да бөjүк һәҹмини гыз ушаглары тәшкил едир.
Масн билдириб ки, бу бөһранлы вәзиjjәтлә бағлы лазымы аддымлар атылмалыдыр.
“Бизим әлимиздә олан статистика jалныз мәлумат әлдә едә билдиjимиз шәхсләрә аид едилир. Бу сәбәбдән дә Суриjада дөjүшән алман вәтәндашларын һәгиги статистикасы геjд олунан рәгәмдән гат-гат чох ола биләр” – деjә Һанс Ҝероҝ Масн билдириб.
Диггәт: Хәбәрдән истифадә етдикдә мәнбәjә истинад лазымдыр
