Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Теһранын бу һәфтәки ҹүмә хәтиби Аjәтуллаһ Муһәммәд Имами Кашани олуб.
О, етдиjи чыхышда Һәҹҹ зиjарәтинә, һәмчинин Ислам Ингилабынын Али Рәһбәри Аjәтуллаһ Хаменеи һәзрәтләринин Һәҹҹ мәрасиминдә охунан месажына тохунараг билдириб: “Аjәтуллаһ Хаменеи өз месажында Ислам дүнjасынын проблемләринә тохунуб. Бу ҝүн Ислам дүнjасы дүшмәнин илләр өнҹә планлашдырдығы проблемләрлә үзләшир.
Һиҹрәтин 2-инҹи әсриндә “Сәләф” мәсәләси меjдана чыхды. Бир груп шәхс, биз кечмиш сәһабәләрин сөзләринә гаjыдырыг деди. Илк бахышдан бу әслиндә дүзҝүн ишдир, лакин онларын мәгсәди jалан сөjләjәрәк jалныш дүшүнҹәләри формалашдырмаг иди. Бир мүддәтдән сонра мүсәлманларын, хүсусән дә шиәләрин үзәринә ҝәләрәк онлары тәкфир етдиләр.
Һиҹрәтин 7-инҹи әсриндә исә Сәләфилик әгидәси Ибн Теjмиjjә тәрәфиндән бөjүдүлдү вә башда Мисир олмагла бир чох өлкәләрә jаjылды.
Муһәммәд ибн Абдул Вәһһаб исә Әрәбистан jарымадасында сәләфилиjин баниси олду вә бәзи Мүсәлман групларыны кафир адландырмаға башлады.”
Имам-ҹүмә сөзләринин давамында вәһһабиләрин төрәтдиjи ҹинаjәтләрә тохунараг билдириб: “Ислам пеjғәмбәри (с) мүшрикләрлә дөjүшләрдә гадын вә ушагларла еһтиjатлы вә меһрибан давранмағы тапшырырды. Мәккәнин фәтһи заманы о, баjрағы Сәд ибни Уббадәдән “Бу ҝүн интигам ҝүнүдүр” демәсинә ҝөрә алды вә “Бу ҝүн рәһмәт ҝүнүдүр” деjәрәк һәзрәт Әлиjә (ә) тәгдим етди.
Исламын һарасында вәһһабиләрин төрәтдикләри ҹинаjәтләр төрәдилиб? Ниjә ушаг вә гадынларын гарны jарылыр, инсанларын үрәjи чыхардылараг jеjилир?
Аjәтуллаһ Хаменеинин дә дедиjи кими, бу ҝүн дүшмәни танымаг вә вәһдәт Ислам дүнjасынын дәрдинин дәрманыдыр.
Өзүнә мүсәлман деjән һәр бир шәхс Пеjғәмбәрин бу барәдә сүннәсини jаjмалы вә тәблиғ етмәлидир ки, бу тәкфирчи групларын диндән узаг омасы вә Ислама әһәмиjjәт вермәдикләри аjдын олсун. Бу ҝүн бу ахмаг групун архасында горхулу сиjаси әл даjаныб. Онлар “Биз Пеjғәмбәрә иман ҝәтирмишик” деjәрәк мүхтәлиф ҹинаjәтләрә әл атырлар. Бунун мүгабилиндә мүсәлманлар вәһдәт сәрҝиләмәлидирләр. Һәр бир дөврдә вилаjәтин олмасынын зәрурилиjи дә буна ҝөрәдир.
Аjәтуллаһ Хамени вә диҝәр тәглид мәрҹеләринин дә дедиjи кими, диҝәр мәзһәбләрин мүгәддәс һесаб етдикләри етигадларына һөрмәт ҝөстәрмәли вә тәһгирдән узаг олмалыjыг.”
О, һәмчинин Иран вә 5+1 өлкәләринин Ҹеневрәдә кечирилән ҝөрүшүнә дә диггәт чәкәрәк деjиб: “Иран һеч вахт тәһлүкәсизлиjи позмаjыб. Иран нүвә силаһыны һарам һесаб едир вә аjәтуллаһ Хаменеи дә бу барәдә фәтва вериб. Сионсит режими һәр шеjдән өнҹә өз тәһлүкәсизлиjини дүшүндүjүнү сөjләсә дә, jалан деjир. Онларын jеҝанә мәгсәдләри Исламын тамамилә арадан ҝетмәсидир. Бунун үчүн дә Исламы зоракылыг дини кими ҝөстәрмәjә чалышырлар. Сионистләр бир овуҹ Аллаһы данан, ҹинаjәткар групдурлар.
Биз батилә гаршы мүгавимәт jолунда өлкәмизин мүвәффәг олаҹағына вә диҝәр өлкәләр үчүн нүмунә олаҹағына инанырыг.”
Сонда ҹүмә хәтиби һамынын Гурбан вә гаршыдан ҝәлән Гәдир-Хум баjрамыны тәбрик едәрәк билдириб: “Вилаjәтин батини мәнасы да вар вә о да Пеjғәмбәрин (с) буjурдуғу кими, Илаһи рәһбәрләрин бизим мәнәви атамыз олмаларыдыр. Рәсулалаһ (с) “Мән вә Әли бу үммәтин аталарыjыг” демәклә Имам Әлини (ә) өзүндән сонра ҹанишин гәрар верди. Имам Әлинин (ә) вилаjәтини гәбул едәнләр һәгигәтдә ону мәнәви ата кими гәбул етмәлидирләр ки, бу да тәвазө, инсанларын һагларыны горумаг вә әманәтдар олмагла мүмкүндүр.”
Диггәт: Хәбәрдән истифадә етдикдә мәнбәjә истинад лазымдыр
