Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Москвада әввәлҹә мәишәт зәмининдә Јевгени Шербаковун өлдүрүлмәси, ондан сонра башланан вә милли зәминә кечән вә jа кечирилән ихтишалар паjтахт Москванын ән бөjүк меjвә-тәрәвәз базары олан “Покровскоjе”нин бағланмасына сәбәб олуб.
СаламНеwс-ун хүсуси мүхбиринин мәлуматына ҝөрә, базар үч ҝүндүр фәалиjjәтини даjандырыб. Базар хәбәрдарлыг едилмәдән бағландығы үчүн азәрбаjҹанлылар “Покровскоjе” меjвә-тәрәвәз базарындан малларыны чыхара билмирләр.
Москванын Гәрби Бирjулево раjонунда jерләшән “Покровскоjе” меjвә-тәрәвәз базарынын гаршысында топлашан базар ишҹиләри дәрдләринә чарә ахтарырлар.
Азәрбаjҹанлы саһибкарлар билдирибләр ки, маллары базардан чыхартмаг үчүн һеҹ бир шәраит jарадылмыр. Рөвшән Һаҹыjев адлы бизнесмен исә базарда jерләшдирилән лөһвәни ҝөстәрәрәк (Лөһвәдә jазылыр: “Маллар 15 – 16 октjабр тарихләринәдәк базардан чыхарылмалыдыр. Әкс тәгдирдә тәдбиг олунаҹаг гаjдалара уjғун олараг һәрәкәт едилмәлидир”) сөjләjиб ки, лөһвәни 16-си ҝәлиб асыблар: "Мән jарым ҝүнә малларымы неҹә чыхара биләрәм?! Ади бир jүк машыныны шәһәрин о башындан бура ҝәлмәси jарым ҝүн чәкир. Һәмишә сәнәдләримиз олуб, мәнә инди дә елә сәнәдләр деjирләр ки, онларын адыны биринҹи дәфәдир ки, ешидирәм. Бу ачыг аjдын азәрбаjҹанлылары сыхышдырмаг демәкдир.”
Мәсәлә илә бағлы базар администирасиjасындан һеч бир ачыглама алмаг мүмкүн олмаjыб. Русиjа президентинин Беjнәлхалг мәдәни әмәкдашлыг үзрә шәхси нүмаjәндәси Михаил Шывыдкоj сөjләjиб ки, ҹинаjәткарын миллиjәти jохдур, буна ҝөрә дә милли мүнагишәнин jаранмасына jол вермәк олмаз: “Етник зәминдә олан мүнагишәләр шәһәрин мәркәзиндә jохдур, бу jалныз раjонлардадыр. Сәбәб исә сосиал вә игтисади проблемләрдир. Десәк ки, Москвада етник проблем jохдур, jалан олар. Чалышмаг лазымдыр ки, ики гардаш халг бир биринә дүшмән олмасын.”
Онун сөзләринә ҝөрә, ҹинаjәткарын ҹинаjәткар кими ҹәзаландырылмалыдыр, бир миллиjәт нүмаjәндәси кими jох." Москвада баш верән һадисәләрә мүнасибәт билдирән Русиjа хариҹи ишләр назиринин мүавини Григори Карасин билдириб ки, мәһкәмәсинин лаjигли һөкүм чыхараҹағына әминдир. Русиjа чохмилләтли дөвләтдир вә бурада һеч бир һалда етник зәминдә мүнагишәләрин гызышмасына jол вермәк олмаз: "Бизим Азәрбаjҹанла ҝөзәл мүнасибәтләримиз вар вә биз бу мүнасибәтләрә ҝөрә еһтиjатлы һәрәкәт етмәлиjик.”
Диггәт: Хәбәрдән истифадә етдикдә мәнбәjә истинад лазымдыр
