Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Республикасынын индики Масаллы раjону әразисиндә jерләшән бу кәнд jерли ләһчәдә Сеjбәтин адланыр.
Илк тәһсилини jерли руһаниләрдән алараг ҝәнҹ jашларында тәһсилини давам етмәкдән өтрү Әрдәбил шәһәринин елм мәркәзинә jолланмышдыр. Бурада о, Молла Ибраһим мәдрәсәсиндә дөврүн бөjүк устадларындан тәлим вә тәрбиjә алмышдыр.
Елмләрин мүгәддиматыны вә али савады о заманын танынмыш мүҹтәһидләри олан Мир Салеһ аға вә Аға сеjjид Мүртәза Халхалидән өjрәнмишдир.
1891-ҹи илдә тәһсилини тәкмилләшдирмәк мәгсәдилә Нәҹәф - әшрәф шәһәринә азим олмуш, бөjүк алимләр-Ахунд молла Мәһәммәд Казым Хорасани, сеjjид Мәһәммәд Казым Тәба-тәбаи Јәздинин тәлим-тәрбиjәси әһатәсиндә олмушдур.
Фәлсәфәни бөjүк һикмәт саһиби Аға Сеjjид Һүсеjн Бадкубеjидән әхз етмишдир.
Садаланлардан башга риjазиjjат саһәсиндә дәрин билик әлдә етмишдир. Вә нәһаjәт боjүк налиjjәтләр әлдә етмиш, енсиклопедик билиjә малик Сеjjид Мәһәммәд Казым Тәба-тәбаи Јәздинин төвсиjәси вә шәһадәтилә Мүҹтәһидлик мәгмына лаjиг ҝорүлмәклә мәгсәдинә чатмышдыр.
1922-ҹи илдә доғма кәндинә дөнән шеjх елми-дини биликләрин тәблиғи, халгын маарифләнмәси саһәсиндә ҝениш әмәли фәалиjjәти башлаjыр аз заманда кичик бир мәканда деjил, бүтүн Талыш бөлҝәсиндә шөһрәтләнир.
Совет һакимиjjәти грулдугдан сонра бу бөjүк зәка саһиби, Илаһи алим 1938-ҹи илдә гәдәр һөкүмәт мәмурлары вә тәрәфдарларынын даими тәгибләри алтында шиддәтлә әзаб-әзиjjәтли олан һәjат тәрзи jашамыш, һәмән ил һәбс олунмушдур. Әмлакы мүсадирә олмагла она беш ил һәбс ҹәзасы верилмишдир. Һәбслик мүддәтини баша вурараг 1943-ҹи илдә вәтәнинә гаjидан мәзлум шеjхи jенә раһат jашамаға гоjмурлар.
1952-ҹи илдә Масаллы шәһәринә көчүр. Бурада ону тәгвалы-пәһризкар, ибадәтчил, пеjғәмбәр ханәданына мәнсуб оланлара дәрин мәһәббәт бәсләjән, jетимләрә вә кимсәсисләрә әл тутан, мадди jардым ҝөстәрән бир инсан кими таниjырлар.
Шеjх Әсадүллаһ һәзрәтләри бөjүк алим олмаглдан башга, өзүнүн ҝөзәл әхлаги, нәзакәти давранышы, лүфткарлығы илә фәзиләтли бир шәхс кими мәшһур олмушдур.
1956-ҹл илин сентjабырын 16-да ( һ.т. 9 Мәһәррәм 1375 ) һаггын дәрҝаһына ләббәjк деjиб, өз мәбудуна говушмушдур. Пак бәдәни Масаллы шәһәр тәпә гәбристанлығында торпаға тағшырылмышдыр.
Аллаһ Рәһмәт еләсин !
Мирәләм Һәшимов
Диггәт: Хәбәрдән истифадә етдикдә мәнбәjә истинад лазымдыр
