Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мәдәни ләгәби илә танынан Сеjjид Муәммәд, Мәдинә Мүнәввәр шәһәриндә анадан дүнjаjа ҝәлдиjи үчүн она бу ләгәб верилмишдир. Сеjjид Муһәммәд илк дәфә Һиҹрәтин 796 ҹы илдә Султан Секандарин падшаһлыг дөврүндә Кәшмир әjаләтинә гәдәм гоjур.
Бир мүддәт кечдикдән сонра о, “Ма Вәраун Нәһрә” (Орта Асиjаjа) jола дүшүр, ҝери дөндүjү вахт өзү илә аиләсини дә ҝәтирир. Сеjjид Муһәммәд Кәшмирин “Малимуһ Пурҝәнә Бәнҝүл” мәнтәгәсиндә jашамаға башлаjыр. Алим Әһли Беjт (әлеjһимус сәлам) Мәктәбинин тәблиғиндә чохлу сәjләр ҝөстәрир вә бир груп инсанлары Шиә Мүсәлманы етмәjә имкан тапыр.
Сеjjид Муһәммәд Мәдәни, jүксәк елмә саһиб олмасындан әлавә һәмдә дөврүн даһи арифләрдән, руһаниләриндән бири кими танынырды. Султан Секандар онун кәмалаты һаггында ешитдикдә Сеjjид Муһәммәди өз jахынлығында jашамаға вә елми һәjатыны давам етдирмәjә дәвәт едир. Солтан jени инша едилмиш Серинҝир шәһәриндә, өз сараjы jахынлығында Сеjjид Муһәммәд Мәдәни үчүн әзәмәтли бир бина, онун һүзуруна ҝәләнләр вә хадимләри үчүн дә “Ханеҝаһ” адлы ибадәтҝаһ инша етдирир.
Солтан Секандар Сеjjид Муһәммәд Мәдәниjә бөjүк еһтирам бәсләjирди. Һиҹрәтин 849-ҹу илиндә даһи Әһлибеjт (әлеjһимус сәлам) алими фани дүнjа илә видалашыр. Ону Бухак мәнтәгәсинин “Мәдин Саһиб” мәканында торпаға тапшырырлар. Бу ҝүнүә кими Алимин торпаға тапшырылдығы мәкан онун ләгәби “Мәдин Саһиб” илә мәшһурдур.
Бир мүддәтдән сонра Солтан Зеjнул Абидин, һөкмүдарлығы дөврүндә онун мәргәди үзәриндә бөjүк бир зиjарәтҝаһ тикдирир. Солтан бундан әлавә Зиjарәтҝаһын кәнарында зәвварлар үчүн нәзәрдә тутулмуш Һамам вә Мәсҹид дә инша едир. Бир мүддәт сонра Әли Мәрдан вә оғлу Ибраһим Ханын һөкмүдарлығы дөврүндә исә зиjарәтҝаһ jенидән бәрпа едиләрәк зәвварларын хидмәтинә истисмара верилир.
Диггәт: Хәбәрдән истифадә етдикдә мәнбәjә истинад лазымдыр
