Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа Милли Ордусу бу ҝүн мүхтәлиф бөлҝәләрдә апардығы анти-террор әмәлиjjатлары нәтиҹәсиндә, араларында хариҹи вәтәндашларын да олдуғу онларла азғын сәләфи террорчуну тәсирсиз һала ҝәтирәрк, jараглы гүввәләри сүрсатлары илә бирликдә ағыр иткиләрә уғратмаjа мәҹбур едиб.
Дера раjонунда террорчулара гаршы әмәлиjjатлар давам едир
Һәрби гаjнаглар Суриjа Милли Ордусунун Дера бөлҝәсиндәки Тафас, Нива, Ҹлеjн, Луҹа, Һраг, Енһил, Тиjба вә Тәл Сәмн гәсәбәләриндә jараглылара аид бир чох гәрәҝаһлары ичиндәки онларла террорчу вә силаһ-сурсатларла бирликдә тәсирсиз һала ҝәтирдиjини билдирирләр.
Өлдүрүлән террорчуларын бир гисминин шәхсиjjәтләринин тәjин олундуғуну ифадә едән гаjнаг, араларында хариҹи вәтәндашларын да олдуғуну ифадә едиб.
Лазкиjә раjонунда хариҹи террорчулар өлдүрүлдү
Ресурс, Суриjа Милли Ордусу тәрәфиндән Лазкиjә раjонун мүхтәлиф бөлҝәләриндә муздлу тәкфирчи террористләрә гаршы апарылан әмәлиjjатларын мүвәффәгиjjәтлә давам етдирилдиjини билдириб.
Гаjнаг, вәтән горуjуҹулары олан Суриjа Милли Ордусу тәрәфиндән Ровда, Рабиә вә Дувәjрин диjарларында араларында Күвеjт, Мисир, Ливан вә Иорданиjадан олан онларла террористин тәсирсиз һала ҝәтирилдиjини ачыглаjыб.
Һәрби ресурс һәмчинин террорчуларла бирликдә бөjүк мигдарда сурсат вә бир чох террор актларынын һәjата кечирилмәсиндә истифадә олунан аваданлыгларынын, о ҹүмләдән ҝрад ракетләринин мәһв едилдиjини әлавә едиб.
Мәнбә, Суриjа Милли Ордусунун Равда гәсәбәсиндә хеjли саjда террорчуну дашыjан ики jүк машыныны бөjүк мигдарда вә мүхтәлиф нөвдә сурсат дашыjан 6 әдәд jүк машыны илә бирликдә дармадағын едәрәк мәһв етдикләрини ифадә едиб.
Лазкиjә раjонун Фәрәлләк Мешәләриндә дә ҝрад мәрмиләриjлә jүклү ики jүк машынын террорчуларла бирликдә мәһв едилдиjини ифадә едән гаjнаг, анти-террор әмәлиjjатда араларында 'Абдүр Раһман әл-Чеченли' адлы азғын командири 16 террорчу илә бирликдә өлдүрәрәк, 9 террорчуну да jаралаjараг әсир ҝөтүрдүкләрини билдириб.
Идлиб раjнунда әл-Нүсрә террор тәшкилатынын jараглы үнсүрләри өлдүрүлдү
Суриjа Милли Ордусу Идлиб раjонун Ҹиср әл-Шуҝур бөлҝәсиндә әл-Нүсрә террор тәшкилатынын бир чох jараглы үнсүрләрини тәсирсиз һала ҝәтириб. Сәлаһиjjәтли гаjнаг өлдүрүлән әл-Нүсрә террор тәшкилатынын үнсүрләри арасында азғын сәләфи командирләринин дә олдуғуну ифадә едиб.
Диггәт: Хәбәрдән истифадә етдикдә мәнбәjә истинад лазымдыр
