Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назири Мәһәммәд Ҹавад Зәриф АБШ-ын АБҸ телеканалынын ҹанлы jаjымланан вә бөjүк тамашачы күтләсинә саһиб олан “Бу һәфтә Стефано Пулусла” програмында билдириб: “Иран Ислам Республикасы Гәрблә jалныз уранын зәнҝинләшдирилмәси һаггынын горунмасы чәрчивәсиндә разылаша биләр”
Мәһәммәд Ҹавад Зәриф Иран Ислм Республикасынын нүвә силаһы истеһсал етмәк ниjjәтиндә олмадығыны деjәрәк, бунун тәрәфләрин разылашмасы үчүн дә jахшы бир атмосфер jаратдығыны вурғулаjыб: “Иран Ислам Республикасы илләр өнҹә нүвә силаһларынын истеһсалы вә jаjылмасынын гаршысынын алынмасы Мүгавиләсинә (НПТ) өз истәjи илә гошулмасы да етимад jарадан бир ҹәһддир. Рәсми Теһран АБШ-ын Иран Ислам Республикасынын нүвә енержисиндән jарарланмаг һаггыны рәсми шәкилдә танымаға һазыр олдуғуну вә она һөрмәт ҝөстәрмәjи гәбул етдиjини ҝөрдүjү заман тәрәфләр арасында разылығын әлдә олунмасы шансынын да артаҹағы гәтидир. Иран Ислам һөкумәти бу мөвзуда Али Дини Лидерин там дәстәjинә вә тәсдигинә дә маликдир”.
Иран Ислам Республикасы ХИН Рәһбәри ЫЫ Дүнjа мүһарибәсиндә баш вермиш jәһуди “соjгырымы”на да тохунуб: “Иран Ислам Республикасынын рәһбәрлиjи вә сәлаһиjjәтли шәхсләри дүнjанын һансы нөгтәсиндә баш вермәсиндән асылы олмаjараг, ҝүнаһсыз инсанларын өлдүрүлмәсини гынаjырлар. Бу ҹинаjәтләрин фашист Алманиjасы тәрәфиндән вә jа Фәләстиндә ишләнмәси арасында да бир фәрг ҝөрмүрүк”.
Диггәт: Хәбәрдән истифадә етдикдә мәнбәjә истинад лазымдыр
