Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Енерҝетика Назиринин Програмлашдырма вә игтисади мәсәләләр үзрә мүавини Әлирза Даими билдириб: “Урмиjа ҝөлүнүн әввәлки вәзиjjәтинә гаjытмасы үчүн мөҹүзә ҝөзләмәмәли, бирликдә ишләмәлиjик”.
Онун сөзләринә ҝөрә, Араз чаjындан Урмиjа ҝөлүнә суjун ахыдылмасы Иран Ислам Республикасынын һәлл jолларындан биридир: “Иран Ислам Республикасы гоншу өлкәләрлә имзаладығы протоколлар әсасында Араз чаjынын суjуну Урмиjа ҝөлүнә ахыдаҹаг. Анҹаг бу аддым да кифаjәт деjил. Бәзи лаjиһәләр дә сырф бу бөлҝәнин ичмәли су, сәнаjе вә кәнд тәсәррүфатында олан еһтиjаҹыны тәмин етмәк мәгсәди дашыjыр. Јәни Урмиjа ҝөлүнүн ниҹаты үчүн һәлл jолу һесаб едилмирләр”.
Назир мүавини вурғулаjыб ки, Урмиjа ҝөлүндәки еколожи фәлакәтә охшар проблем башга jерләрдә дә мөвҹуддур: “Урмиjа ҝөлү гапалы бир су һөвзәсидир вә кәнар тәсир дә чох тез бир заманда өзүнү ҝөстәрир. Диҝәр су һөвзәләри jа дәнизә бағлыдырлар, jа да Урмиjа ҝөлүнүн тәбии шәраитинә малик деjилләр”.
Иран Ислам Республикасынын Күтләви Информасиjа Васитәләри
Диггәт: Хәбәрдән истифадә етдикдә мәнбәjә истинад лазымдыр
