Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы вә Франса хариҹи ишләр назирләри арасында ҝөрүш кечирилиб. Ҝөрүш сентjабрын 25-дә Нjу-Јоркда БМТ Баш Ассамблеjасынын 68-ҹи сессиjасы чәрчивәсиндә баш тутуб.
Мәһәммәд Ҹавад Зәриф билдириб ки, Иран Ислам Республикасы “алтылыг” өлкәләри илә ҹидди мүзакирәләрә һазырдыр: “Гаршы тәрәфин дә бу мүзакирәләрдә лазыми ҹиддиjjәтә саһиб олмасыны ҝөзләjирик”.
Иран Ислам Республикасынын ХИН рәһбәри өлкәсинин Суриjадакы просесләрлә бағлы да мөвгеjини ачыглаjыб: “Бу өлкәдәки бөһран Суриjадакы тәрәфләр арасында кечирилән мүзакирәләрлә өз һәллини тапмалыдыр. Суриjа бөһранында радикал групларын ролундан вә онларын кимjәви силаһлар әлдә етмәси еһтималындан нараһатыг. Охшар тәһлүкәләрә гаршы гәти тәдбирләр ҝөрүлмәлидир. Суриjаjа һәр ҹүр хариҹи мүдахилә гәбуледилмәздир. Бу өлкәнын ҝәләҹәjи радикал групларсыз әһәмиjjәтлидир”.
Лоран Фабиус исә өз нөвбәсиндә ики өлкә президентләри Һөҹҹәтүл Ислам вәл Мүслимин Һәсән Руһани вә Франсуа Олландын ҝөрүшүнү мүсбәт гиjмәтләндириб. Онун сөзләринә ҝөрә, Суриjа бөһраны давам етдиjи мүддәтҹә вәзиjjәт даһа комплекс һал алаҹаг вә радикал групларын фәалиjjәтләри үчүн лазыми мүһит jаранаҹаг.
Ҝөрүшүн сонунда Иран Ислам Республикасы илә Франса арасында давамлы сиjаси ҝөрүшләрин хариҹи ишләр назирләринин мүавинләри сәвиjjәсиндә һәjата кечирилмәси гәрара алыныб.
Диггәт: Хәбәрдән истифадә етдикдә мәнбәjә истинад лазымдыр
