Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Пакистанда христианлара гаршы террор актлары һәjата кечирилиб. Пакистан jерли мәтбуат хидмәтләри бу ҝүн, Базар Ҝүнү, Хеjбәри Пәхтунхаһ әjаләтиндә jерләшән Килсә гаршысында ики террор актынын һәjата кечириләрәк азы 72 нәфәрин һәjатына сон гоjулдуғуну билдириб.
Геjд олунан террор актлары, Пакистанда азлыг тәшкил едән христиан дининин ардыҹылларына гаршы һәjата кечирилән ән бөjүк терро һадисәсидир.
Мәсулиjjәти һеч бир груплашма тәрәфиндән өһдәсинә ҝөтүрүлмәjән һадисәнин, өлкәнин Хеjбәри Пәхтунхаһ әjаләтинин ән бөjүк шәһәрләриндән бири олан Пишавәрдә баш верилдиjи билдирилир.
Пишавәр хәстәханасынын һәкимләриндән бири олан Әршәд Ҹавад һадисәнин төрәтдиjи тәләфаты һагда мәлумат верәрәк деjиб: “Террор һадисәси заманы 72 нәфәр һәjатыны итириб, 100 нәфәрә jахын вәтәндаш исә мүхтәлиф дәрәҹәли бәдән хәсарәтләри алараг jараланыблар”.
Хеjбәри Пәхтунхаһ әjаләти үзрә Пакистан Сәһиjjә Назирлиjинин әмәкдашы Шөвкәт Әли Јусиф Заj да, өз нөвбәсиндә һәким Әршәд Ҹавадын вердиjи ачыгламаны тәсдигләjиб.
Геjд едәк ки, бу ҝүндән етибарән Хеjбәри Пәхтунхаһ әjаләтинин һакими тәрәфиндән әjаләтдә үч ҝүн үмуми әза елан олунуб.
Диггәт: Хәбәрдән истифадә етдикдә мәнбәjә истинад лазымдыр
